நெல் கொள்முதலில் உள்ள குறைபாடுகளைக் களைவதற்கு அனைத்து தொழிற்சங்கங்களுடன் கலந்து ஆலோசித்து, ஆக்கப்பூா்வமான நடவடிக்கையை மேற்கொள்ள வேண்டும் என்று தமிழ்நாடு நுகா்பொருள் வாணிபக் கழக ஏஐடியுசி தொழிற்சங்கம் மற்றும் சுமைதூக்கும் தொழிலாளா் சங்கம் வலியுறுத்தியுள்ளன.
தஞ்சாவூரில் இந்த இரு சங்கங்களின் மாநில நிா்வாகக் குழுக் கூட்டம் தஞ்சாவூரில் ஞாயிற்றுக்கிழமை நடைபெற்றது.
நுகா்பொருள் வாணிபக் கழகத்தில் நெல் கொள்முதலில் குறைபாடுகளைக் களைவதற்கு அனைத்து தொழிற்சங் கங்களுடன் விரிவாக விவாதித்து, அதற்கான ஆக்கபூா்வமான ஆலோசனைகளைப் பெற்று குறைகளின்றி கொள்முதல் செய்ய அரசு நடவடிக்கை மேற்கொள்ள வேண்டும்.
வரும் காலங்களில் நெல் கொள்முதல் அதிகளவில் செய்ய வாய்ப்புள்ளதால், தற்போது கொள்முதல் செய்யப்பட்ட மூட்டைகளை உடனுக்குடன் இயக்கம் செய்திட வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
இக்கூட்டத்துக்குச் சங்கத் தலைவா்கள் அ. சாமிக்கண்ணு, ஜி. சுப்ரமணியன் தலைமை வகித்தனா். தமிழ்நாடு நுகா்பொருள் வாணிபக்கழக ஏஐடியுசி தொழிற்சங்க மாநிலப் பொதுச் செயலா் சி. சந்திரகுமாா், சுமை சங்கப் பொதுச் செயலா் என். புண்ணீஸ்வரன், பொருளாளா் தி. கோவிந்தராஜன், இணைப் பொதுச் செயலா் ஜெ. குணசேகரன், மாநில நிா்வாகிகள் கே.எஸ். முருகேசன், கே. ராஜ்மோகன், கே. ராஜேந்திரன், நிா்வாகக் குழு உறுப்பினா்கள் கே. சரவணன், அய்யப்பன், மதன், முருகேசன், வேலாயுதம், எஸ். தியாகராஜன் உள்ளிட்டோா் கலந்து கொண்டனா்.