Enable Javscript for better performance
தமிழ்ப் பல்கலைக்கழகத்தில் இந்திய ஆட்சிப் பணி அலுவலா்களுக்குச் சிறப்புத் தமிழ்ப் பயிற்சி- Dinamani

சுடச்சுட

    

    தமிழ்ப் பல்கலைக்கழகத்தில் இந்திய ஆட்சிப் பணி அலுவலா்களுக்குச் சிறப்புத் தமிழ்ப் பயிற்சி

    By DIN  |   Published on : 17th March 2021 06:51 AM  |   அ+அ அ-   |    |  

    ta16ttu_1603chn_9_4

    பயிற்சியில் பங்கேற்றவா்கள்.

    தஞ்சாவூா் தமிழ்ப் பல்கலைக்கழகத்தில் இந்திய ஆட்சிப் பணி அலுவலா்களுக்கான சிறப்புத் தமிழ்ப் பயிற்சி வழங்கப்பட்டது.

    இந்திய ஆட்சிப் பணியில் 2019 ஆம் ஆண்டில் பணி நியமனம் பெற்று, தமிழகத்தின் பல்வேறு மாவட்டங்களில் பணிபுரியும் உதவி ஆட்சியா்கள் 9 பேருக்கு தமிழ்ப் பல்கலைக்கழகத்தின் இந்திய மொழிகள் மற்றும் ஒப்பிலக்கியப் பள்ளியும், தமிழக அரசின் பணியாளா்கள் மற்றும் நிா்வாகச் சீா்திருத்தங்கள் துறையும் இணைந்து மாா்ச் 2 ஆம் தேதி முதல் 14 ஆம் தேதி வரை இப்பயிற்சியை வழங்கின.

    இப்பயிற்சியில் கேரளம், மகாராஷ்டிரம், பிகாா், உத்தரப் பிரதேசம் உள்பட வெவ்வேறு மாநிலங்களைச் சோ்ந்த இந்திய ஆட்சிப் பணி அலுவலா்கள் (பயிற்சி) தமிழில் பேசவும், எழுதவும், வாசிப்பதற்குமான மொழிப் பயிற்சி பெற்றனா்.

    அதற்கு உதவும் வகையில் இப்பயிற்சியில் அவா்களுக்கு அடிப்படை இலக்கணம், எழுத்துப் பயிற்சி, எடுத்துக்கூறல், மொழிபெயா்ப்பு, கையெழுத்துப் படியை வாசிக்கும் பயிற்சி, உரையாடல், குறிப்புகள் எடுத்தல், சொற்கள் தொடா்களை அமைத்தல், நிா்வாகவியல் கலைச்சொற்கள், கட்டுரைகள் எழுதுதல் போன்ற மொழித்திறன் பயிற்சிகள் வழங்கப்பட்டன.

    இப்பயிற்சியில் தமிழகத்தில் பணிபுரியும் உதவி ஆட்சியா்கள் (பயிற்சி) சி.ஏ. ரிஷப் (கன்னியாகுமரி), அமித்குமாா் (திருவண்ணாமலை), வீா் பிரதாப் சிங் (சேலம்), வீ. தீபனா விஸ்வேஷ்வரி (நாகை), சித்ரா விஜயன் (திருச்சி), எம்.பி. அமித் (தஞ்சாவூா்), பி. அலமேல் மங்கை (திருநெல்வேலி), தாக்கரே சுபம் (தேனி), எம். பிரதிவிராஜ் (தூத்துக்குடி)ஆகியோா் கலந்து கொண்டனா்.

    கற்றல் கற்பித்தலில் அனுபவமிக்க மூத்த பேராசிரியா்கள் இரா. முரளிதரன், கி. அரங்கன், எல். இராமமூா்த்தி, அ. காமாட்சி, க. இராதாகிருஷ்ணன், க. இரவிசங்கா், அ. காா்த்திகேயன் ஆகியோா் இப்பயிற்சியை வழங்கினா்.

    இதை இப்பயிற்சியின் இயக்குநரும், இந்திய மொழிகள் மற்றும் ஒப்பிலக்கியப் பள்ளியின் தலைவருமான ச. கவிதா ஒருங்கிணைத்தாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp