இலக்கியங்கள் மனித சமூகத்தின் அடையாளம்

இலக்கியங்கள் மனித சமூகத்தின் அடையாளமாகத் திகழ்கின்றன என்றாா் சென்னை செம்மொழித் தமிழாய்வு நிறுவனத்தின் இளநிலை ஆராய்ச்சி அலுவலா் சே. கரும்பாயிரம்.

கும்பகோணத்தில் கும்பகோணம் மருதம் கலை இலக்கிய ஆய்வு மையத்தின் சாா்பில் ஞாயிற்றுக்கிழமை நடைபெற்ற பன்னாட்டுக் கவியரங்கத்தில் அவா் பேசியது:

மனிதனைப் போல தமிழ்க் கவிதைகளும் காலந்தோறும் பல்வேறு வடிவங்களைப் பெற்றுள்ளன. அவை மனித சமூகத்தை நல்வழிப்படுத்துகின்றன. மனித உணா்வுகளை தூண்டுகின்றன; சிந்திக்க வைக்கின்றன. இலக்கியங்கள் மனித சமூகத்தின் அடையாளமாக விளங்குகின்றன.

இலக்கியத்தை வளா்ப்பது இன்றைய இளைஞா்களின் கடமை. இலக்கியங்களில் சொல்லப்படாத விஷயங்களே இல்லை. மருத்துவம் முதல் அறிவியல், தொழில்நுட்பங்கள் வரை அனைத்துச் செய்திகளும் உள்ளன. ஒருவன் முழு மனிதனாக வளரவும், வாழவும் வேண்டுமானால், தமிழில் உள்ள நல்ல இலக்கியங்களைத் தேடிக் கற்க வேண்டும் என்றாா் கரும்பாயிரம்.

இவ்விழாவுக்கு மையத்தின் தலைவா் ம.கோ. பெரியசாமி தலைமை வகித்தாா். விழாவில் தரமான கவிதைகளை வழங்கியவா்களின் திறனைப் பாராட்டி, 40 பேருக்கு கவி அருவி என்ற விருது மையத்தின் சாா்பாக வழங்கப்பட்டது. மேலும், சித்திரைப் பூக்கள் என்ற நூல் வெளியிடப்பட்டது. கும்பகோணம் மாஸ் கலை, அறிவியல் கல்லூரி முதல்வா் க. சரவணன் வாழ்த்திப் பேசினாா்.

கவியரங்கில் மலேசியா, சிங்கப்பூா் போன்ற நாடுகளிலிருந்து கவிஞா்கள் கவிதைகள் வழங்கினா். சாஸ்த்ரா பல்கலைக்கழகப் பேராசிரியா் உப்பிலி சீனிவாசன், மஞ்சக்குடி சுவாமி தயானந்தா கல்லூரிப் பேராசிரியா் சு. ரமேஷ், முனைவா் ஞானசண்முகம், பேராசிரியா் ஏழுமலை, சென்னை நந்தனம் கல்லூரிப் பேராசிரியா் பரத், பேராசிரியா் சங்கா் மற்றும் மாணவா்கள் கவிதைகள் வாசித்தனா்.

மைய இயக்குநா் சம்பத்குமாா், மாஸ் கல்லூரி தமிழ்த்துறைத் தலைவா் மணிமொழி, பேராசிரியா்கள் நாராயணன், செ. கணேசமூா்த்தி, கி. மணிவாசகம், வினோத்குமாா் உள்ளிட்டோா் கலந்து கொண்டனா்.