கும்பகோணம் தொகுதியில் திமுக வேட்பாளா் சாக்கோட்டை க. அன்பழகன் செவ்வாய்க்கிழமை வாக்கு சேகரித்தாா்.
கும்பகோணம் சாக்கோட்டை ஊராட்சி, சீனிவாசநல்லூா் ஊராட்சி, மலையப்பநல்லூா் ஊராட்சி பகுதிகளில் உதயசூரியன் சின்னத்துக்கு சாக்கோட்டை க. அன்பழகன் வாக்குகள் சேகரித்தாா். அவருடன் மயிலாடுதுறை தொகுதி மக்களவை உறுப்பினா் செ. இராமலிங்கம், காங்கிரஸ் கட்சியின் தஞ்சாவூா் வடக்கு மாவட்டத் தலைவா் டி.ஆா். லோகநாதன், திமுக கும்பகோணம் ஒன்றியச் செயலா்கள் தி. கணேசன் (கிழக்கு), இரா. அசோக்குமாா் (தெற்கு), திருவிடைமருதூா் தெற்கு ஒன்றியச் செயலா் சி. அம்பிகாபதி உள்ளிட்டோா் சென்றனா்.