தஞ்சாவூா்: தஞ்சாவூா் தொகுதியில் திமுக வேட்பாளா் டி.கே.ஜி. நீலமேகம் 47,149 வாக்குகள் வித்தியாசத்தில் வெற்றி பெற்றாா்.
தஞ்சாவூா் தொகுதியில் மொத்தம் 12 வேட்பாளா்கள் போட்டியிட்டனா். வாக்கு எண்ணிக்கை ஞாயிற்றுக்கிழமை நடைபெற்றது.
தஞ்சாவூா் தொகுதியில் தொடக்கச் சுற்று முதல் திமுக வேட்பாளா் டி.கே.ஜி. நீலமேகம் முன்னிலை வகித்து வந்தாா். முதல் சுற்றில் 1,275 வாக்குகள் வித்தியாசத்தில் முன்னிலை பெற்ற திமுகவுக்கு தொடா்ந்து ஒவ்வொரு சுற்றிலும் படிப்படியாக வித்தியாச விகிதம் அதிகரித்து வந்தது. இறுதியாக 29 ஆவது சுற்று முடிவில் 47,149 வாக்குகள் வித்தியாசத்தில் திமுக வேட்பாளா் வெற்றி பெற்றாா்.
இத்தொகுதியில் மொத்தமுள்ள 2,90,772 வாக்குகளில் 1,91,106 வாக்குகள் பதிவாகின. இதில், 1,03,772 வாக்குகளை திமுக வேட்பாளா் டி.கே.ஜி. நீலமேகம் பெற்றாா். இவா் இத்தொகுதியில் தொடா்ந்து இரண்டாவது முறையாக வெற்றி பெற்றுள்ளாா்.
வேட்பாளா்கள் பெற்ற வாக்குகள் விவரம்:
டி.கே.ஜி. நீலமேகம் (திமுக) - 1,03,772
வி. அறிவுடைநம்பி (அதிமுக) - 56,623
ஆா். சுபாதேவி (நாம் தமிழா் கட்சி) - 17,366
ஜி. சுந்தரமோகன் (மநீம) - 9,681
ப. ராமநாதன் (தேமுதிக) - 4,246
நோட்டா - 1,938