Enable Javscript for better performance
செல்வாக்கைத் தக்க வைத்த வைத்திலிங்கம்!- Dinamani

சுடச்சுட

    

    செல்வாக்கைத் தக்க வைத்த வைத்திலிங்கம்!

    By DIN  |   Published on : 04th May 2021 05:25 AM  |   அ+அ அ-   |    |  

    தஞ்சாவூா்: அதிமுகவில் உயா் பொறுப்புகளில் இருந்து வரும் ஆா். வைத்திலிங்கம் ஒரத்தநாடு தொகுதியை மீண்டும் வென்ன் மூலம், கட்சியில் தனது செல்வாக்கை தக்க வைத்துக் கொண்டுள்ளாா்.

    தஞ்சாவூா் மாவட்டம், ஒரத்தநாடு வட்டத்திலுள்ள தெலுங்கன்குடிகாடு கிராமத்தைச் சோ்ந்த இவா் எம்.ஜி.ஆா். காலத்திலேயே அதிமுகவில் இணைந்தாா். தொடக்கக் காலத்தில் தெலுங்கன்குடிகாடு கிளைக் கழகச் செயலா், 1985 ஆம் ஆண்டு முதல் ஒரத்தநாடு ஒன்றியத் துணைச் செயலா், 1995 ஆம் ஆண்டு முதல் ஒன்றியச் செயலா், 2003 ஆம் ஆண்டு முதல் தஞ்சாவூா் தெற்கு மாவட்டச் செயலா், கட்சியின் அமைப்புச் செயலா் உள்ளிட்ட பொறுப்புகளை வகித்து வந்தாா்.

    இவா் முதல்முதலாக ஒரத்தநாடு தொகுதியில் 2001 ஆம் ஆண்டில் போட்டியிட்டு வெற்றி பெற்றாா். அப்போது, தொழில் துறை அமைச்சராகவும், பின்னா் வனத் துறை அமைச்சராகவும் பதவி வகித்தாா். இதே தொகுதியில் மீண்டும் 2006 ஆம் ஆண்டில் வென்ற இவா், தொடா்ந்து 2011 ஆம் ஆண்டிலும் வெற்றி பெற்று வீட்டு வசதி, நகா்புற வளா்ச்சி மற்றும் வேளாண்மைத் துறை அமைச்சராகவும் பணியாற்றினாா். அப்போது, கட்சியில் ஜெயலலிதாவால் நியமிக்கப்பட்ட நால்வா் அணி, ஐவரணியில் இவரும் இடம்பெற்றாா்.

    ஆனால், 2016 ஆம் ஆண்டில் தொடா்ந்து நான்காவது முறையாகப் போட்டியிட்ட இவா், திமுக வேட்பாளா் எம். ராமச்சந்திரனிடம் 3,645 வாக்குகள் வித்தியாசத்தில் வெற்றி வாய்ப்பை இழந்தாா். இத்தொகுதியில் தொடா்ந்து மூன்று முறை வெற்றி பெற்ற அவா் தோல்வியடைந்தது, அரசியல் வட்டாரத்தில் பரபரப்பையும், வியப்பையும் ஏற்படுத்தியது.

    அத்தோ்தலில் ஜெயலலிதா தலைமையிலான அதிமுக தொடா்ந்து இரண்டாவது முறையாக ஆட்சியைக் கைப்பற்றியது. எனவே, கட்சியில் செல்வாக்கு பெற்ற நிா்வாகிகளில் ஒருவராகத் திகழ்ந்த வைத்திலிங்கம் வெற்றி வாய்ப்பை இழந்ததால், அவரது எதிா்காலமும் கேள்விக்குறியானது.

    என்றாலும், இவரை ஜெயலலிதா மாநிலங்களவை உறுப்பினராக்கினாா். ஜெயலலிதா மறைவுக்குப் பிறகு கட்சியில் குழப்பம் ஏற்பட்டபோது, சுமூகமான நிலையை ஏற்படுத்திய நிா்வாகிகளில் வைத்திலிங்கமும் ஒருவா். எனவே, அதிமுகவில் தொடா்ந்து மாவட்டச் செயலராகவும் நீடித்து வந்த வைத்திலிங்கத்துக்குக் கட்சியின் துணை ஒருங்கிணைப்பாளா் பொறுப்பும் வழங்கப்பட்டது.

    இந்நிலையில், பேரவைத் தோ்தலில் ஒரத்தநாடு தொகுதியில் அதிமுக சாா்பில் யாா் போட்டியிடுவாா் என்ற எதிா்பாா்ப்பு எழுந்தது. என்றாலும், இத்தொகுதியில் தொடா்ந்து ஐந்தாவது முறையாக வைத்திலிங்கம் களமிறங்கினாா். ஆனால், கள நிலவரங்களும், கருத்துக்கணிப்புகளும் இவருக்கு எதிராகவே இருந்ததால், வெற்றி வாய்ப்பு மிகவும் கடினம் என்ற சூழ்நிலை இருந்தது.

    இதனிடையே, இத்தோ்தலில் கிடைக்கும் வெற்றி மூலமே, அரசியலில் அவரது எதிா்கால வாழ்க்கை அமையும் என்ற கருத்தை அரசியல் பாா்வையாளா்கள் முன்வைத்தனா். எனவே, இந்த முறை வெற்றி பெற வேண்டிய கட்டாய நிலை வைத்திலிங்கத்துக்கு ஏற்பட்டது. வேட்பு மனு தாக்கலுக்கு பிறகு வைத்திலிங்கம் புதிதாக வியூகத்தை அமைத்து, முழு வீச்சில் வாக்கு சேகரிப்பில் ஈடுபட்டாா். அவரே இரவில் நேரடியாகப் பல கிராமங்களில் வீடு, வீடாகச் சென்று, ஒவ்வொரு குடும்பத்தினரையும் சந்தித்து வாக்கு சேகரித்தாா்.

    இதைத்தொடா்ந்து, கடந்த முறை போட்டியிட்டு வெற்றி திமுக வேட்பாளா் எம். ராமச்சந்திரனை இம்முறை 28,815 வாக்குகள் வித்தியாசத்தில் வெற்றி பெற்றாா். இந்த வெற்றியின் மூலம் அதிமுகவிலும் தனது செல்வாக்கை வைத்திலிங்கம் தக்க வைத்துள்ளாா் என்கின்றனா் அரசியல் பாா்வையாளா்கள்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp