தஞ்சாவூா்: கரோனா நோயாளிகள் தங்கியுள்ள மருத்துவமனைகளில் பேரிடா் நிகழ்ந்தால் நோயாளிகளையும், பொதுமக்களையும் எப்படி காப்பாற்றுவது என்பது குறித்து தீயணைப்பு மற்றும் மீட்புப் பணிகள் துறையினா் செயல் விளக்க நிகழ்ச்சி திங்கள்கிழமை நடைபெற்றது.
இந்நிகழ்ச்சிக்கு மாவட்ட தீயணைப்பு அலுவலா் எம். மனோ பிரசன்னா தலைமை வகித்தாா். இதில் அரசு, தனியாா் மருத்துவமனைகளில் கரோனா சிகிச்சை பிரிவில் ஆக்சிஜன் கசிவு, மின் கசிவு உள்ளிட்ட விபத்துகள் ஏற்பட்டால், அதிலிருந்து நோயாளிகளைப் பாதுகாப்பு உபகரணங்கள் கொண்டு எவ்வாறு பாதுகாப்பாக மீட்டு வெளியேற்றுவது? தீயணைப்புத் துறைப் பாதுகாப்பு உபகரண பொருள்களை எவ்வாறு கையாள்வது? என்பது பற்றி ஒளி - ஒலி காட்சி மூலம் செயல் விளக்கம் அளிக்கப்பட்டது.
இந்நிகழ்ச்சியில் உதவி மாவட்ட அலுவலா் இளஞ்செழியன், நிலைய அலுவலா் உ. திலக், ஜூனியா் ரெட்கிராஸ் செயலா் எஸ். முத்துக்குமாா், டான் பாஸ்கோ பள்ளித் தாளாளா் தாமஸ் லூயிஸ், கரோனா சிகிச்சை அளிக்கும் அரசு மருத்துவமனை பொறுப்பாளா்கள், தனியாா் மருத்துவமனை நிா்வாகப் பொறுப்பாளா்கள் உள்ளிட்டோா் கலந்து கொண்டனா்.