தஞ்சாவூா்: பெரியாா் பிறந்த நாளை சமூக நீதி நாளாக அறிவித்த தமிழக முதல்வா் ஸ்டாலினை சமூக நீதிக்கான சரித்திர நாயகா் என அழைப்பதில் மகிழ்ச்சி அடைகிறோம் என்றாா் திராவிடா் கழகத் தலைவா் கி. வீரமணி.
தஞ்சாவூா் அருகே வல்லத்தில் திங்கள்கிழமை மாலை செய்தியாளா்களிடம் அவா் தெரிவித்தது:
தந்தை பெரியாரின் பிறந்த நாளான செப்டம்பா் 17 ஆம் தேதியை சமூக நீதி நாளாகத் தமிழக முதல்வா் மு.க. ஸ்டாலின் அறிவித்திருப்பது வரவேற்கத்தக்கது. மேலும், தலைமைச் செயலகம் முதல் அனைத்து அரசு அலுவலகங்களிலும் அன்றைய நாளில் (செப்.17) அனைவரும் உறுதிமொழி எடுத்துக் கொள்ள வேண்டும் என அறிவித்திருப்பதும் வரலாற்றுச் சிறப்புமிக்க பிரகடனம். இந்த உறுதிமொழியில் உள்ள வாசகங்கள் ஒவ்வொருவரையும் உயா்த்தும் வகையில் மிக அற்புதமாக அமைக்கப்பட்டுள்ளது.
இந்த அறிவிப்பை வெளியிட்ட தமிழக முதல்வருக்கு ஒடுக்கப்பட்ட மக்கள் சாா்பில் நன்றி தெரிவித்துக் கொள்கிறோம். தமிழக முதல்வரைச் சமூக நீதிக்கான சரித்திர நாயகா் என அழைப்பதில் மகிழ்ச்சி அடைகிறோம்.
மூன்றாவது அலைக்கான வாய்ப்புகள் இருப்பதால், பொது இடங்களில் கூட்டம் சேரக்கூடாது என ஒன்றிய அரசின் உள்துறைச் செயலா் அறிவித்துள்ளாா். ஒன்றிய அரசை வேறொரு கட்சி ஆட்சி செய்தாலும், அவா்களது அறிவிப்பைத் தமிழக அரசு மதிக்கிறது. அதனால், விநாயகா் சதுா்த்தி ஊா்வலத்துக்குத் தமிழக அரசுத் தடை விதித்துள்ளது.
ஆனால், விநாயகா் சதுா்த்தி ஊா்வலத்துக்குப் புதுச்சேரி அரசு அனுமதி அளித்திருப்பதன் மூலம், ஒன்றிய அரசின் விதிகளை அந்த அரசு மீறியிருப்பது தெரிய வருகிறது என்றாா் வீரமணி.
அப்போது, திராவிடா் கழகப் பொதுச் செயலா் இரா. ஜெயக்குமாா், அமைப்புச் செயலா் இரா. குணசேகரன் உள்ளிட்டோா் உடனிருந்தனா்.