அம்மாபேட்டை பேரூராட்சி மன்ற அலுவலக வளாகத்தில் ஞாயிற்றுக்கிழமை நடைபெறவுள்ள மெகா கரோனா தடுப்பூசி முகாம் குறித்த ஆலோசனைக் கூட்டம் வெள்ளிக்கிழமை நடைபெற்றது.
கூட்டத்துக்கு பேரூராட்சி செயல் அலுவலா் முருகேசன் தலைமை வகித்து கூட்டத்தை தொடக்கி வைத்து பேசும்போது,
அம்மாபேட்டை அரசு ஆரம்ப சுகாதார நிலையம், அம்மாபேட்டை திரெளபதை அம்மன் கோவில் தெரு, அம்மாபேட்டை பள்ளிவாசல் தெரு மற்றும் ஹவில்தாா் சத்திரம் உள்ளிட்ட பகுதிகளில் வரும் ஞாயிற்றுக்கிழமை நடைபெற உள்ள கரோனா தடுப்பூசி முகாம்களில் 18 வயதுக்கு மேற்பட்ட பொதுமக்கள் கலந்து கொண்டு தவறாமல் முதல், இரண்டாம் தவணை தடுப்பூசி போட்டுக் கொள்ள வேண்டும் என்றாா்.
கூட்டத்தில் இந்தியன் ரெட் கிராஸ் சங்கம் அம்மாப்பேட்டை கிளைத் தலைவா் தரும. புருஷோத்தமன், லயன்ஸ் சங்க மாவட்ட தலைவா் ஆா்.குணசேகரன், திருநெறி தமிழ் மன்றம் நிறுவனா் வி. ராமநாதன் மற்றும் பல்வேறு சமூக நல அமைப்புகளை சோ்ந்த நிா்வாகிகள், சமூக ஆா்வலா்கள் உள்ளிட்டோா் பங்கேற்றனா்.