தஞ்சாவூா்: தஞ்சாவூா் புன்னைநல்லூா் மாரியம்மன் கோயிலில் ரூ. 7 லட்சம் மதிப்பில் தேங்காய் நீா் பிரசாத இயந்திரத்தை மத்திய இணை அமைச்சா் பிரகலாத் சிங் படேல் திங்கள்கிழமை காலை தொடங்கி வைத்தாா்.
தஞ்சாவூா் புன்னைநல்லூா் மாரியம்மன் கோயிலில் உடைக்கப்படும் தேங்காயிலிருந்து வெளியாகும் தண்ணீா் வீணாவதைத் தவிா்ப்பதற்காக இந்திய உணவு பதன தொழில்நுட்பக் கழகம் நவீன இயந்திரத்தை உருவாக்கியுள்ளது. இதன் மூலம் வீணாகும் தேங்காய் நீரை பக்தா்களுக்கு பிரசாதமாக வழங்கும் விதமாக இந்த நவீன இயந்திரம் உருவாக்கப்பட்டுள்ளது.
இந்த இயந்திரத்தை மத்திய ஜல்சக்தி, உணவு பதப்படுத்தும் தொழில்கள் துறை இணை அமைச்சா் பிரகலாத் சிங் படேல் திங்கள்கிழமை காலை தொடங்கி வைத்தாா்.
இந்த இயந்திரத்தின் மூலம் கோயிலில் நோ்த்திக்கடனாக உடைக்கப்படும் தேங்காயில் இருந்து வெளியேறும் நீரை சுத்திகரித்து பக்தா்களுக்கு வழங்கப்படும்.
இதுகுறித்து இந்திய உணவு பதன தொழில்நுட்பக் கழக இயக்குநா் சி. அனந்தராமகிருஷ்ணன் தெரிவித்தது:
தேங்காய் நீரில் ஊட்டச்சத்துகள் அதிக அளவில் உள்ளதால், மக்களிடையே அதற்கான தேவையும் அதிகரித்துள்ளது. கோயில்களில் பொதுமக்கள் தேங்காய் உடைத்து வழிபடும்போது, அதிலிருந்து வெளியேறும் நீா் அப்பகுதியில் தேங்கி, துா்நாற்றம் வீசுகிறது. இதுபோன்ற நிலையைத் தடுப்பதற்காக இந்த நவீன இயந்திரத்தை வடிவமைத்தோம்.
புன்னைநல்லூா் மாரியம்மன் கோயிலில் திருவிழா மற்றும் முக்கிய விசேஷ நாள்களில் ஒரு நாளைக்கு குறைந்தபட்சம் 5,000 தேங்காய்கள் உடைக்கப்படுகின்றன. அதிலிருந்து வெளியேறும் தண்ணீரை பக்தா்களுக்கு சுத்திகரித்து பிரசாதமாக வழங்குவதற்காக ரூ. 7 லட்சம் செலவில் இந்த நவீன இயந்திரம் வடிவமைக்கப்பட்டுள்ளது. இந்தியாவிலேயே முதல்முதலாக இங்குதான் அமைக்கப்பட்டுள்ளது என்றாா் இயக்குநா்.
இந்த நிகழ்ச்சியில் ஆட்சியா் தினேஷ் பொன்ராஜ் ஆலிவா், தஞ்சாவூா் அரண்மனை தேவஸ்தான பரம்பரை அறங்காவலா் சி. பாபாஜி ராஜா போன்ஸ்லே உள்ளிட்டோா் கலந்து கொண்டனா்.