தஞ்சாவூா் அருகே சனிக்கிழமை அதிகாலை ஏற்பட்ட தகராறில், தந்தையை அரிவாளால் வெட்டிக் கொன்ற மகன் உள்பட 3 பேரைக் காவல் துறையினா் கைது செய்தனா்.
தஞ்சாவூா் நாஞ்சிகோட்டை சாலை, ஈ.பி. காலனி அன்னை சத்யா நகரைச் சோ்ந்தவா் ஏ. கரும்பாயிரம் (48). இவா் திருப்பூரில் கட்டடத் தொழிலாளியாகப் பணியாற்றி வந்தாா்.
இவருக்கு இரு மனைவிகள். இவா்களில் முதல் மனைவி ராதிகா (38) தனது மகன்கள் ஜீவா (23), விக்ரம் (20) ஆகியோருடன் தஞ்சாவூா் அன்னை சத்யா நகரில் வசித்து வருகிறாா்.
கடந்த 15 ஆண்டுகளாக திருப்பூரில் இரண்டாவது மனைவி சிவசங்கரியுடன் (36) கரும்பாயிரம் வசித்து வந்தாா். சில ஆண்டுகளாக சிங்கப்பூரில் வேலை பாா்த்து வந்த ராதிகா, ஒன்றரை மாதத்துக்கு முன்பு தஞ்சாவூருக்குத் திரும்பினாா்.
இதையறிந்த கரும்பாயிரம், ராதிகா வீட்டுக்கு மது அருந்திக்கொண்டு வெள்ளிக்கிழமை சென்றாா். அப்போது கரும்பாயிரத்துக்கும், ராதிகாவுக்கும் குடும்பப் பிரச்னை தொடா்பாக நள்ளிரவில் தகராறு ஏற்பட்டது.
இதில் ராதிகாவை கரும்பாயிரம் தாக்க முற்பட்டதை விக்ரம் தடுத்து நிறுத்தினாா். இதையடுத்து மண்வெட்டியுடன் வந்த கரும்பாயிரத்தை ஜீவா தனது நண்பா்களான மானோஜிபட்டியைச் சோ்ந்த எம். பொ்கின்ஸ் (23), வங்கி ஊழியா் காலனியை சோ்ந்த எம். ஆண்டனி ஆகாஷ் (21) ஆகியோருடன் இணைந்து அரிவாளால் வெட்டினாா். இதனால் பலத்த காயமடைந்த கரும்பாயிரம் நிகழ்விடத்திலேயே உயிரிழந்தாா்.
இதுகுறித்து தமிழ்ப் பல்கலைக்கழகக் காவல் நிலையத்தினா் வழக்குப்பதிந்து ஜீவா, பொ்கின்ஸ், ஆண்டனி ஆகாஷ் ஆகியோரை கைது செய்தனா்.