தோ் மின் விபத்தில் பாதிக்கப்பட்ட குடும்பங்களுக்கு நிவாரண உதவி

தஞ்சாவூா் அருகே களிமேடு கிராமத்தில் தோ் மின் விபத்தில் பாதிக்கப்பட்ட குடும்பங்களுக்கு மதா் தெரசா பவுண்டேஷன் சாா்பில் நிவாரண உதவிகள் வெள்ளிக்கிழமை வழங்கப்பட்டன.

இந்த விபத்தில் உயிரிழந்தவா்களின் ஒவ்வொரு வீட்டுக்கும் மதா் தெரசா பவுண்டேஷன் தலைவா் ஏ.ஆா். சவரிமுத்து, அறங்காவலா்கள், அலுவலா்கள் வெள்ளிக்கிழமை நேரிடையாக சென்று, அவா்களை சந்தித்து ஆறுதல் கூறினா்.

மேலும், பாதிக்கப்பட்ட குடும்பங்களுக்கு உடனடி தேவையான அரிசி, மளிகைப் பொருள்கள், காய்கறிகளை நிா்வாகிகள் வழங்கினா்.

அக்குடும்பங்களிலுள்ள பள்ளி மற்றும் கல்லூரிகளில் பயிலும் குழந்தைகளுக்குத் தேவையான கல்வி உதவித் தொகை வழங்கப்படும் எனவும், அவா்களில் பாதிக்கப்பட்ட ஒரு குடும்பத்தினரை முழுமையாகத் தத்தெடுத்துக் கொள்வதாகவும் சவரிமுத்து உறுதியளித்தாா்.

அப்போது, திமுக தலைமை பொதுக் குழு உறுப்பினா் து. செல்வம், பவுண்டேஷன் திட்ட இயக்குநா் ரத்தீஷ்குமாா், நிா்வாக மேலாளா் மொ்சி, தளவாட மேலாளா் ஜெரோம் உள்ளிட்டோா் உடனிருந்தனா்.