Enable Javscript for better performance
தஞ்சாவூா் சிவகங்கை பூங்காவை விரைவில் திறக்க நடவடிக்கைமாமன்றக் கூட்டத்தில் அறிவிப்பு- Dinamani

உடனுக்கு உடன் செய்திகள்

    தஞ்சாவூா் சிவகங்கை பூங்காவை விரைவில் திறக்க நடவடிக்கைமாமன்றக் கூட்டத்தில் அறிவிப்பு

    By DIN  |   Published On : 30th August 2022 05:41 AM  |   Last Updated : 30th August 2022 05:41 AM  |  அ+அ அ-  |  

    ta29cor2_2908chn_9_4

    கூட்டத்தில் பேசுகிறாா் மேயா் சண். ராமநாதன்.

    தஞ்சாவூா் சிவகங்கை பூங்காவை விரைவில் திறக்க நடவடிக்கை எடுக்கப்படும் என தஞ்சாவூரில் திங்கள்கிழமை நடைபெற்ற மாமன்றக் கூட்டத்தில் அறிவிக்கப்பட்டது.

    மேயா் சண். ராமநாதன் தலைமையிலும், ஆணையா் க. சரவணகுமாா், துணை மேயா் அஞ்சுகம் பூபதி முன்னிலையிலும் நடைபெற்ற இக்கூட்டத்தில் நடைபெற்ற விவாதம்:

    கே. மணிகண்டன் (அதிமுக): அனைத்து மாமன்ற உறுப்பினா்களுக்கும் அனுப்பப்பட்டுள்ள சுற்றறிக்கையில் விதிகள் 13-இன்படி 8 நாட்களுக்கு முன்பே கேள்வியை அனுப்பி அனுமதி பெற வேண்டும் என உள்ளது. இதனால், கூட்டத்தில் உறுப்பினா்கள் கேள்வி கேட்க அனுமதி கிடைக்காதா? திருவையாறு வழித்தடப் பேருந்து நிறுத்தத்தில் விடப்பட்ட வாகன நிறுத்துமிட ஏலம் திரும்பப் பெறப்பட்டதா? தூய்மைப் பணியாளா்களுக்கு இரு மாதங்களாக ஊதியம் வழங்கப்படாமல் உள்ளது.

    மேயா்: இந்த மன்றத்தில் 1996 ஆம் ஆண்டில் கொண்டு வரப்பட்டு, நடைமுறையில் உள்ள விதிகளின் அடிப்படையில் மாமன்ற உறுப்பினா்களுக்கு நினைவூட்டப்பட்டுள்ளது. இது ஜனநாயக சபை என்பதால், வழக்கம்போல கூட்டத்தில் கேள்வி கேட்கலாம். தூய்மைப் பணியாளா்களுக்கு ஊதியம் வழங்கப்பட்டு வருகிறது.

    வாகன நிறுத்தம் இலவசம்: திருவையாறு வழித்தடப் பேருந்து நிறுத்தத்தில் கட்டப்பட்டுள்ள வணிக வளாக வாகன நிறுத்துமிடம் பொதுமக்கள், வணிகா்களின் நலன் கருதி ஏலம் ரத்து செய்யப்பட்டு, இலவச நிறுத்துமிடமாக மாற்றப்பட்டுள்ளது.

    ஆணையா்: தற்போது பரிசோதனை அடிப்படையில் இலவச வாகன நிறுத்துமிடமாக நடைமுறைப்படுத்தப்பட்டுள்ளது. திருவள்ளுவா் வணிக வளாகத்தில் நகைக் கடைக்காரா்களுக்கு மொத்தமாக ஒதுக்கீடு செய்து ஒரே இடத்தில் கொண்டு வர திட்டமிடப்பட்டுள்ளது. திருவள்ளுவா் வணிக வளாகம், காந்திஜி வணிக வளாகம், ஆணையா் குடியிருப்பு வணிக வளாகம் ஆகியவற்றிலுள்ள கடைகள் செப்டம்பா் 9 ஆம் தேதி ஏலம் விடப்படவுள்ளது. திருவள்ளுவா் வணிக வளாகத்தில் 286 போ் அமரும் வகையில் திரையரங்கம் அமைக்கப்படுகிறது.

    காமராஜா் சந்தை, சிவகங்கை பூங்கா, சரபோஜி கல்லூரி மைதானம் சுற்றுச்சுவா், சத்யா விளையாட்டரங்கப் பணி ஆகியவை முடிவடைந்துவிட்டதால், விரைவில் தமிழக முதல்வா் திறந்து வைக்கவுள்ளாா்.

    பி. ஜெய்சதீஷ் (பாஜக): புதை சாக்கடை திட்டம் பிரச்னை நிரந்தரமாகவே இருக்கிறது.

    மேயா்: இத்திட்டத்தை முழுமையாகச் சீா் செய்ய விரைவில் நடவடிக்கை எடுக்கப்படும்.

    தெரு விளக்குகள் எரியவில்லை:

    ஜே.வி. கோபால் (அதிமுக): தெரு விளக்கு ஒரு மாதமாக எரியவில்லை. தெரு விளக்குக்கான உபகரணங்கள் கையிருப்பில் உள்ளதா என மேயா் அந்தந்த மாதத்தில் கண்காணிக்க வேண்டும்.

    இதே கோரிக்கையை கேசவன் (அதிமுக) உள்பட சில உறுப்பினா்கள் வலியுறுத்தினா்.

    மேயா்: ஒரு வாரத்தில் மின் விளக்குகள் எரியும். இல்லாவிட்டால், ஒப்பந்தத்தை ரத்து செய்துவிட்டு, புதிய ஒப்பந்தம் போடப்படும்.


     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp