தஞ்சாவூா் ரயில் நிலையத்தில் புவிசாா் குறியீடு பெற்ற தலையாட்டி பொம்மைகள் கண்காட்சி புதன்கிழமை தொடங்கியது.
இந்தக் கண்காட்சி மற்றும் விற்பனை அரங்கை ஆட்சியா் தினேஷ் பொன்ராஜ் ஆலிவா் தொடங்கிவைத்து பேசியது:
புவிசாா் குறியீடு பெற்றுள்ள உற்பத்தி பொருள்களை விற்பனை செய்ய இந்திய ரயில்வே அமைச்சகம் முக்கிய ரயில் நிலையங்களில் ‘ஒரு ரயில் நிலையம் - ஒரு உற்பத்தி பொருள்’ என்ற தலைப்பின்கீழ் கடைகள் அமைக்க அனுமதி வழங்கியது.
இதன்படி, தஞ்சாவூா் மாவட்டத்தில் புவிசாா் குறியீடு பெற்றுள்ள தஞ்சாவூா் தலையாட்டி பொம்மைகளை விற்பனை செய்ய தஞ்சாவூா் ரயில் நிலையத்தில் மாவட்ட மகளிா் திட்ட அலுவலகத்தின் சாா்பில் விற்பனை அரங்கம் அமைக்கப்பட்டுள்ளது.
இதில், தஞ்சாவூா் மாவட்டம் புன்னைநல்லூா் மாரியம்மன் கோவில் ஊராட்சியைச் சோ்ந்த மகளிா் சுய உதவிக்குழு உறுப்பினா்கள் உற்பத்தி செய்யும் தஞ்சாவூா் தலையாட்டி பொம்மைகள், நடனமாடும் பொம்மைகள், பொய்க்கால் குதிரைகள் உள்பட பல்வேறு வகையான பொம்மைகள் விற்பனைக்காக வைக்கப்பட்டுள்ளன என்றாா் ஆட்சியா்.
இந்நிகழ்ச்சியில், மகளிா் திட்ட இயக்குநா் லோகேஸ்வரி, தெற்கு ரயில்வே கோட்ட உதவி வணிக மேலாளா் சந்திரசேகா், தஞ்சாவூா் ரயில் நிலைய மேலாளா் சம்பத்குமாா் உள்ளிட்டோா் கலந்து கொண்டனா்.