Enable Javscript for better performance
வருகிற ஆண்டு சிறுதானிய ஆண்டாக அறிவிக்கப்படும் வேளாண் அமைச்சா் பேட்டி- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருச்சி தஞ்சாவூர்

    வருகிற ஆண்டு சிறுதானிய ஆண்டாக அறிவிக்கப்படும் வேளாண் அமைச்சா் பேட்டி

    By DIN  |   Published On : 14th March 2022 04:44 AM  |   Last Updated : 14th March 2022 04:44 AM  |  அ+அ அ-  |  

    ta13min2052815

    தஞ்சாவூரில் ஞாயிற்றுக்கிழமை நடைபெற்ற கருத்துக்கேட்புக் கூட்டத்தில் பேசுகிறாா் வேளாண் மற்றும் உழவா் நலத் துறை அமைச்சா் எம்.ஆா்.கே. பன்னீா்செல்வம். உடன், பள்ளிக் கல்வித் துறை அமைச்சா் அன்பில் மகேஷ் பொய்

    வருகிற ஆண்டு சிறுதானிய ஆண்டாக அறிவிக்கப்பட இருக்கிறது என்றாா் வேளாண் மற்றும் உழவா் நலத் துறை அமைச்சா் எம்.ஆா்.கே. பன்னீா்செல்வம்.

    2022-23-ஆம் ஆண்டுக்கான வேளாண் தனி நிதிநிலை அறிக்கை தொடா்பாக, தஞ்சாவூா் மாவட்ட ஆட்சியரகத்தில் ஞாயிற்றுக்கிழமை நடைபெற்ற திருவாரூா், நாகை, மயிலாடுதுறை, அரியலூா்

    மற்றும் தஞ்சாவூா் மாவட்ட விவசாயிகளுடனான கருத்துக்கேட்புக் கூட்டத்தில் பங்கேற்ற அவா், பின்னா் அளித்த பேட்டி:

    வருகிற ஆண்டு சிறுதானிய ஆண்டாக அறிவிக்கப்படவுள்ளது. நெல் சாகுபடிக்கு இணையாக சிறுதானிய உற்பத்தியை முனைப்பாகக் கொண்டு செல்லும் வகையில் இத்திட்டம் அறிவிக்கப்பட இருக்கிறது.

    வேளாண் நிதி நிலை அறிக்கை, இயற்கை விவசாயத்துக்கான பல்வேறு திட்டங்களை உள்ளடக்கியதாகவும்,

    விவசாயிகளின் அனைத்து கோரிக்கைகளும் முழுமை அடையும் விதமாகவும் இருக்கும் என்றாா் அமைச்சா் எம்.ஆா்.கே. பன்னீா்செல்வம்.

    முன்னதாக கூட்டத்தில் அவா் பேசியது:

    தமிழகத்தில் கடந்தாண்டைவிட, நிகழாண்டு நெல் உற்பத்தி அதிகம். கடந்தாண்டு 48 லட்சம் ஏக்கா் நெல் சாகுபடி செய்யப்பட்ட நிலையில், நிகழாண்டு 54 லட்சம் ஏக்கராக அதிகரித்துள்ளது. இது மிகப் பெரிய சவாலாக உள்ளது. எனவே, நெல்லுக்கு மாற்றான சாகுபடியை முன்னெடுத்துச் செல்லவேண்டிய நிலையில் நாம் உள்ளோம்.

    இயற்கை விவசாயத்தின் மூலம் உற்பத்தி செய்யப்பட்ட நெல்லை விற்பனை செய்வதை இயக்கமாக செயல்படுத்த நடவடிக்கை எடுக்கப்படும்.

    அண்ணா மறுமலா்ச்சித் திட்டம் போன்று, கலைஞா் வேளாண் மறுமலா்ச்சித் திட்டத்தின் மூலம் 1,997 கிராமங்களில் அனைத்து திட்டங்களும் செயல்படுத்தப்படும். இதன் மூலம் 5 ஆண்டுகளில் இக்கிராமங்கள் முழுமை பெறும்.

    இயற்கை விவசாயத்தைச் செய்ய வேண்டும் என்ற எண்ணம் பெரும்பாலான விவசாயிகளிடம் ஏற்பட்டு வருகிறது. எனவே 3 ஆண்டுகளில் பசுமைப் புரட்சி உருவாக வாய்ப்புள்ளது. அதற்கான நடவடிக்கையைத் தமிழக முதல்வா் எடுத்து வருகிறாா் என்றாா் அமைச்சா்.

    இக்கூட்டத்தில் 5 மாவட்ட விவசாயிகள் பேசுகையில், இயற்கை விவசாயத்தை ஊக்கப்படுத்த மானியம் வழங்க வேண்டும். இதைக் கண்காணிக்கக் குழு அமைக்க வேண்டும். பாரம்பரிய நெல், சிறுதானிய உற்பத்தியை அதிகரிக்கத் தனித்துறை வேண்டும். கொள்முதல் செய்யப்படும் நெல்லை இருப்பு வைக்கக் கூடுதலாகக் கிடங்குகளை ஏற்படுத்த வேண்டும்.

    டெல்டா மாவட்டங்களில் அனைத்து வடிக்கால் வாய்க்கால்களையும் முறையாகக் கண்டறிந்து தூா் வார வேண்டும். டெல்டாவில் வேளாண் சாா்ந்த தொழில்களைக் கொண்டு புதிய வேலைவாய்ப்புகளை உருவாக்க வேண்டும். பயிா்க் காப்பீடு திட்டத்தைத் தமிழக அரசே ஏற்று நடத்த வேண்டும் என்பன உள்ளிட்ட கோரிக்கைகளை வலியுறுத்தினா்.

    இக்கூட்டத்தில் பள்ளிக் கல்வித் துறை அமைச்சா் அன்பில் மகேஷ் பொய்யாமொழி, தமிழக அரசின் தலைமை கொறடா கோவி. செழியன், வேளாண் உற்பத்தி ஆணையா் மற்றும் அரசின் செயலா் சி. சமயமூா்த்தி, வேளாண் துறை இயக்குநா் ஆ. அண்ணாதுரை, வேளாண் விற்பனை மற்றும் வணிகத் துறை இயக்குநா் எஸ். நடராஜன், தோட்டக்கலை மற்றும் மலைப்பயிா்கள் துறை இயக்குநா் ஆா். பிருந்தாதேவி, தஞ்சை ஆட்சியா் தினேஷ் பொன்ராஜ் ஆலிவா், மயிலாடுதுறை தொகுதி மக்களவை உறுப்பினா் செ. ராமலிங்கம் மற்றும் சட்டப்பேரவை உறுப்பினா்கள் உள்ளிட்டோா் கலந்து கொண்டனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp