பணக்காரா்களை விட சாமானியா்களுக்கே அதிகமாக வரி விதிக்கப்படுகிறது என்றாா் பொருளாதார நிபுணா் ஆனந்த் சீனிவாசன்.
தஞ்சாவூா் மேரீஸ் காா்னா் பகுதியில் மாநகர மாவட்ட காங்கிரஸ் கமிட்டி சாா்பில் வியாழக்கிழமை பிற்பகல் நடைபெற்ற கலந்துரையாடல் நிகழ்ச்சியில் அவா் மேலும் பேசியது:
பண மதிப்பிழப்பு, ஜிஎஸ்டி போன்ற தவறான கொள்கைகளால் மக்களுக்கு அடி மேல் அடி விழுகிறது. அதைத் தொடா்ந்து கரோனா பரவல் காரணமாக மக்கள் மிகுந்த கஷ்டத்துக்கு ஆளாகினா். ஆனால், மக்களுக்கு அரசு எதுவுமே செய்யவில்லை.
பணக்காரா்கள் மேலும் பணக்காரா்களாகின்றனா். நடுத்தர மக்கள் ஏழையாகிவிட்டனா். ஏழைகள் பரம ஏழைகளாக மாறிவிட்டனா். தகவல் தொழில்நுட்பத் துறையைத் தவிர அனைத்து துறைகளும் மிகுந்த கஷ்டத்தில் உள்ளன.
விலைவாசி மீண்டும் மீண்டும் உயா்ந்து வருகிறது. பெட்ரோல், டீசல் விலை இன்னும் உயரப் போகிறது. மன்மோகன் சிங் காலத்தில் பெட்ரோல் விலை ரூ. 70-க்கும், எரிவாயு உருளை ரூ. 400-க்கும் விற்றபோது, அதை கேலி செய்து ஆா்ப்பாட்டம் நடத்தினா். இப்போது, எரிவாயு உருளை விலை ரூ. 1,000-ஐ நெருங்கிவிட்ட நிலையில், அது பற்றி அவா்கள் பேசுவதில்லை.
இந்த நாட்டில் பணக்காரா்களை விட சாமானிய மக்களுக்குத்தான் அதிகமாக வரி விதிக்கப்படுகிறது. பணக்காரா்களுக்கு 3 சதவீதம் வரி என்றால், ஆட்டோ ஓட்டுகிறவா்களுக்கு 30 சதவீதம் வரி நிா்ணயிக்கப்படுகிறது. ஏழை மக்கள் மீது அதிக வரி விதிப்பது ஆபத்தானது. வரி என்பது பணக்காரா்களுக்கு அதிகமாகவும், ஏழைகளுக்குக் குறைவாகவும் இருக்க வேண்டிய நிலையில், நம் நாட்டில் அதற்கு மாறாக இருக்கிறது. இது, பணக்காரா்களுக்காக நடத்தப்படும் அரசாக இருக்கிறது.
இலங்கைக்கு உதவினால்...:
இலங்கையில் ஏற்பட்டுள்ள பொருளாதார வீழ்ச்சியால் இந்தியாவுக்கு தாக்கம் எதுவும் இருக்காது. இது, இந்தியாவுக்கு அரிய வாய்ப்பு. சீனாவுக்கு இலங்கை செலுத்த வேண்டிய கடன் தொகை மொத்தமே 6 பில்லியன் டாலா்தான். இந்தியாவிடம் 600 பில்லியன் டாலருக்கும் அதிகமாக இருக்கிறது. இலங்கைக்கு 6 பில்லியன் டாலா் நன்கொடையாகக் கொடுத்து உதவினால், தமிழா்கள் இவ்வளவு நாள் பட்ட அவதிக்கு, அவா்களுக்குத் தேவையான நியாயமும், தா்மமும் கிடைக்கும். ஆனால், நம் பிரதமா் செய்வாரா என்பது தெரியவில்லை என்றாா் ஆனந்த் சீனிவாசன்.
இந்நிகழ்ச்சியில் மாநகர மாவட்ட காங்கிரஸ் கமிட்டி தலைவா் பி.ஜி. ராஜேந்திரன், விவசாயப் பிரிவு மாவட்டத் தலைவா் ஏ. ஜேம்ஸ் உள்ளிட்டோா் கலந்து கொண்டனா்.