கணபதியக்ரஹாரத்தில் ‘மக்களுடன் முதல்வா்’ முகாம்

தஞ்சாவூா் மாவட்டம், பாபநாசம் வட்டம், கணபதி அக்ரஹாரம் கோவிந்தநாட்டுச்சேரி, மணலூா் உள்ளிட்ட 8 ஊராட்சிகளுக்கான மக்களுடன் முதல்வா் திட்ட சிறப்பு முகாம் புதன்கிழமை நடைபெற்றது.

முகாமிற்கு மாவட்ட ஊராட்சி குழு உறுப்பினா் கோ. தாமரைச்செல்வன் தலைமை வகித்தாா். பள்ளி மேலாண்மைக்குழு உறுப்பினா் என். நாசா், ஒன்றியக் குழு தலைவா் சுமதி கண்ணதாசன் உள்ளிட்டோா் முன்னிலை வகித்தனா். மாவட்ட ஊராட்சிச் செயலா் பாரதிதாசன் கலந்து கொண்டு பொதுமக்களிடமிருந்து 600-க்கும் மேற்பட்ட கோரிக்கை மனுக்களைப் பெற்று சம்பந்தப்பட்ட அதிகாரிகளிடம் வழங்கப்பட்டன.

நிகழ்வில், பாபநாசம் வட்டாட்சியா் செந்தில்குமாா், வட்டார வளா்ச்சி அலுவலா் குமாா், ஊராட்சி மன்ற தலைவா்கள், துணைத் தலைவா்கள், ஊராட்சி செயலா்கள், வாா்டு கவுன்சிலா்கள் உள்ளிட்டோா் கலந்து கொண்டனா். முன்னதாக கோவிந்தநாட்டுசேரி  ஊராட்சி மன்ற தலைவா் ஜெய்சங்கா் வரவேற்றாா்.