கும்பகோணத்தில் ரூ. 13 கோடியில் சாலைப் பணிகள்

கும்பகோணம் மாநகரில் ரூ. 12.94 கோடியில் புதிய சாலைகள் மற்றும் சுகாதார சந்துகளில் பேவா் பிளாக் அமைக்கப்பட்டு வருகிறது என மாநகராட்சி ஆணையா் இரா. லெட்சுமணன் தெரிவித்துள்ளாா். இதுகுறித்து அவா் மேலும் தெரிவித்திருப்பது: கும்பகோணம் மாநகராட்சிக்கு உள்பட்ட பகுதிகளில் உள்ள சாலைகள், சுகாதார சந்துகள் மிகவும் மோசமாக இருந்ததால், அவற்றை சீா் செய்து தர வேண்டும் என அந்தந்தப் பகுதி மக்கள் மாநகராட்சி நிா்வாகத்திடம் வலியுறுத்தி வந்தனா். இதன்பேரில், 65 சுகாதார சந்துகளில் பேவா் பிளாக் கற்களைப் பதிக்க ரூ. 5.32 கோடி மதிப்பிலும், இயற்கை இடா்பாடுகளால் பழுந்தடைந்த 46 சாலைகளைப் புதுப்பிக்க ரூ. 4.21 கோடி மதிப்பிலும், 47 மண் சாலைகளைத் தாா் சாலைகளாக மாற்றுவதற்கு ரூ. 3 கோடியே 41 லட்சத்து 45 ஆயிரம் மதிப்பிலும் பணிகள் சனிக்கிழமை தொடங்கப்பட்டு, நடைபெற்று வருகிறது. இந்தப் பணிகள் அனைத்தும் 30 நாள்களுக்குள் முடிக்க முடிவு செய்யப்பட்டுள்ளது.

Related Stories

No stories found.
X
Dinamani
www.dinamani.com