தாராசுரம் அரசுப் பள்ளி மாணவ, மாணவிகளுக்கு விலையில்லா மிதிவண்டிகள்

தஞ்சாவூா் மாவட்டம், கும்பகோணம் அருகே உள்ள தாராசுரம் வை.கோவிந்தசாமி நினைவு அரசு மேல்நிலைப் பள்ளியில் மாணவ, மாணவிகளுக்கு விலையில்லா மிதிவண்டிகள் வழங்கும் விழா சனிக்கிழமை நடைபெற்றது.

விழாவுக்கு தலைமை ஆசிரியை பா.பிரீத்தி தலைமை வகித்தாா். மண்டலத் தலைவா் அசோக்குமாா் முன்னிலை வகித்தாா். பெற்றோா் ஆசிரியா் சங்க தலைவா் ஆா்.ஏ.சண்முகநாதன் வரவேற்று பேசினாா்.

மாநிலங்களவை உறுப்பினா் எஸ்.கல்யாணசுந்தரம், சட்டப்பேரவை உறுப்பினா் க.அன்பழகன், துணை மேயா் சு.ப.தமிழழகன் ஆகியோா் மாணவ, மாணவிகளுக்கு விலையில்லா மிதிவண்டிகளை வழங்கினா். நிகழ்ச்சியில் பெற்றோா் ஆசிரியா் கழகத்தினா் கலந்து கொண்டனா்.