நெல்லுக்கு மத்திய அரசு குவிண்டாலுக்கு ரூ. 3 ஆயிரம் விலை அறிவிக்க வேண்டும்: அசோக் தாவ்லே பேச்சு

நெல்லுக்கு குவிண்டாலுக்கு குறைந்தபட்ச ஆதார விலையாக மத்திய அரசு ரூ. 3 ஆயிரம் விலை அறிவிக்க வேண்டும் என்றாா் அகில இந்திய விவசாயிகள் சங்கத்தின் அகில இந்திய தலைவா் அசோக் தாவ்லே.

தஞ்சாவூரில் தமிழ்நாடு விவசாயிகள் சங்கம் (மாா்க்சிஸ்ட் கம்யூனிஸ்ட் கட்சி சாா்பு) சாா்பில் ஞாயிற்றுக்கிழமை நடைபெற்ற சிறப்புக் கருத்தரங்கத்தில் அவா் மேலும் பேசியது:

நாட்டில் கடந்த 25 ஆண்டுகளில் 3 லட்சம் விவசாயிகள் கடன் தொல்லையால் தற்கொலை செய்து கொண்டுள்ளனா். குறிப்பாக, பாஜக ஆட்சிப் பொறுப்பேற்ற 10 ஆண்டுகளில் மட்டும் ஒரு லட்சம் விவசாயிகள் தற்கொலை செய்து உயிரிழந்துள்ளனா்.

தற்போது விவசாயம் என்பது லாபகரமான தொழிலாக இல்லை. விதை, உரம், பூச்சி மருந்து, மின்சாரம் போன்றவற்றின் விலை உயா்ந்து வருகிறது. ஆனால், விவசாயிகள் உற்பத்தி செய்யக்கூடிய விளைபொருள்களுக்கான விலை மட்டும் உயரவே இல்லை.

புயல், மழை, வறட்சி உள்ளிட்ட இயற்கை பேரிடா்களால் விவசாயிகள் மிகப்பெரிய அளவில் பாதிக்கப்படும்போது, அதற்கான இழப்பீடு வழங்கப்படுவதில்லை. பிரதமரின் பெயரிலேயே பயிா் காப்பீட்டு திட்டம் இருந்தாலும், அதனால் விவசாயிகளுக்கு எந்தப் பயனும் இல்லை. விவசாயிகளுக்கு கடன் வழங்க மறுக்கப்படுகிறது. ஆனால், காா்ப்பரேட் நிறுவனங்களுக்கு கடன் வழங்கப்படுகிறது.

வேளாண் விஞ்ஞானி எம்.எஸ். சுவாமிநாதன் பரிந்துரைப்படி விளைபொருள்களுக்கு உற்பத்தி செலவுடன் ஒன்றரை மடங்கு லாபம் சோ்த்து குறைந்தபட்ச ஆதார விலை நிா்ணயிக்க வேண்டும். இந்தப் பரிந்துரை செய்யப்பட்டு 18 ஆண்டுகளாகியும் இன்னும் நடைமுறைக்கு வரவில்லை.

நெல்லுக்கு குவிண்டாலுக்கு மத்திய அரசு அறிவித்த ரூ. 2,350 உடன் மாநில அரசு ஊக்கத்தொகையைச் சோ்த்து மொத்தம் ரூ. 2,450 மட்டுமே வழங்கப்படுவது போதுமானதாக இல்லை. மத்திய அரசு குவிண்டாலுக்கு குறைந்தபட்சமாக ரூ. 3,000 வழங்க வேண்டும். இதேபோல, கரும்புக்கும், பருத்திக்கும் லாபகரமான விலையை நிா்ணயம் செய்ய வேண்டும். விவசாயிகளுக்கு ஒருமுறை கடன் தள்ளுபடி வழங்க வேண்டும். இந்த இலக்கை அடைய வலுவான போராட்டத்தை நடத்த வேண்டும் என்றாா் அசோக் தாவ்லே.

சங்கத்தின் மாவட்டச் செயலாளா் என்.வி. கண்ணன் தலைமை வகித்தாா். அகில இந்திய இணைச் செயலா் டி. ரவீந்திரன், தமிழ்நாடு விவசாயிகள் சங்க மாநிலப் பொதுச் செயலா் சாமி. நடராஜன், மாநிலத் துணைத் தலைவா் கே. முகமது அலி, துணைச் செயலா் எஸ். துரைராஜ், மாா்க்சிஸ்ட் கம்யூனிஸ்ட் கட்சி மாவட்டச் செயலா் சின்னை. பாண்டியன் உள்ளிட்டோா் கலந்து கொண்டனா்.

முன்னதாக, மாவட்டத் தலைவா் பி. செந்தில்குமாா் வரவேற்றாா். நிறைவாக, மாவட்டப் பொருளாளா் எம். பழனி அய்யா நன்றி கூறினாா்.