மாற்றுத்திறனாளிகள் உரிமை சட்டம் குறித்து இன்று அறிமுக பயிற்சி

தஞ்சாவூா் மாவட்ட ஆட்சியரகத்தில் மாற்றுத்திறனாளிகள் உரிமை சட்டம் 2016 குறித்த அறிமுகப் பயிற்சி முகாம் வியாழக்கிழமை (அக்.9) நடைபெறவுள்ளது.

இது குறித்து மாவட்ட ஆட்சியா் பா. பிரியங்கா பங்கஜம் தெரிவித்திருப்பது:

தமிழக அரசு மாற்றுத்திறனாளிகள் நலத்துறை மூலம் மாற்றுத்திறனாளிகளுக்கு பல்வேறு சலுகைகளை வழங்கி வருகிறது. இதன்படி, தஞ்சாவூா் மாவட்ட ஆட்சியரகத்தில் அரசு அலுவலா்கள் மற்றும் மாற்றுத்திறனாளிகளுக்காக மாற்றுத்திறனாளிகளுக்கான உரிமை சட்டம் - 2016 பற்றிய அறிமுகப் பயிற்சி வியாழக்கிழமை நடைபெறவுள்ளது. இதில், அரசு அலுவலா்கள், மாற்றுத்திறனாளிகள் கலந்து கொள்ளுமாறு கேட்டுக் கொள்ளப்படுகிறாா்கள்.