தொடா் மழை காரணமாக திருச்சியில் திங்கள், செவ்வாய்க்கிழமைகளில் ( டிசம்பா் 2,3 ) தேதிகளில் நடைபெறவிருந்த மின்வாரிய கேங்மேன் உடல்திறன் தோ்வு தள்ளிவைக்கப்பட்டுள்ளது.
இதுகுறித்து தமிழ்நாடு மின் உற்பத்தி மற்றும் பகிா்மானக் கழகத்தின் திருச்சி மின்பகிா்மான வட்ட மேற்பாா்வைப் பெறியாளா் சு.கிருஷ்ணமூா்த்தி ஞாயிற்றுக்கிழமை வெளியிட்ட செய்திக்குறிப்பு:
தமிழ்நாடு மின் உற்பத்தி மற்றும் பகிா்மானக் கழகத்தில் கேங்மேன்(பயிற்சி) பணிக்கான உடல்திறன் தோ்வு, திருச்சி பகிா்மான வட்டம்/பெருநகரம் சாா்பில் டிசம்பா் 2 முதல் 11 ஆம் தேதி வரை நடைபெறவிருந்தது.
இந்நிலையில் தொடா்மழை காரணமாக, திங்கள், செவ்வாய்க்கிழமைகளில் (டிசம்பா் 2,3 தேதிகள்) நடைபெறவிருந்த சான்றிதழ் சரிபாா்ப்பு மற்றும் உடல் தகுதித் தோ்வு தள்ளிவைக்கப்பட்டுள்ளது. அதற்குண்டான தேதி மற்றும் நேரம் விண்ணப்பதாரா்களுக்கு பின்னா் அறிவிக்கப்படும். மேலும் விவரங்களுக்கு இணையதளத்தில் பாா்வையிடலாம்.