Enable Javscript for better performance
தொடா் வாகனத் திருட்டு - ஒருவா் கைது 30-க்கும் மேற்பட்ட வாகனங்கள் பறிமுதல்- Dinamani

சுடச்சுட

    

    தொடா் வாகனத் திருட்டு - ஒருவா் கைது 30-க்கும் மேற்பட்ட வாகனங்கள் பறிமுதல்

    By DIN  |   Published on : 04th December 2019 07:24 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருச்சி, அருகே திருவெறும்பூா் உள்ளிட்ட பகுதிகளில் தொடா்ந்து வாகனத் திருட்டில் ஈடுபட்டு வந்தவரை போலீஸாா் கைது செய்தனா். அவரிடமிருந்து சுமாா் 30-க்கும் மேற்பட்ட வாகனங்கள் பறிமுதல் செய்யப்பட்டுள்ளன.

    திருவெறும்பூா் மற்றும் சுற்று வட்டாரப் பகுதிகளில் இருசக்கர வாகனம், காா் உள்ளிட்ட பல்வேறு வாகனங்கள் தொடா்ந்து திருடுபோயின. இவை குறித்த புகாரின்பேரில் , திருச்சி சரக டிஐஜி பாலகிருஷ்ணன், மாவட்டக் காவல் கண்காணிப்பாளா் ஜியா உல்ஹக் ஆகியோரின் உத்தரவின்பேரில் திருவெறும்பூா் காவல் ஆய்வாளா் ஞானவேலன் தலைமையில் தனிப்படை அமைக்கப்பட்டது.

    இந்நிலையில் கடந்த 20 ஆம் தேதி திருவெறும்பூா் ரயில் நிலையத்துக்கு பைக்கில் வந்த காந்திநகரைச் சோ்ந்த ஆறுமுகம் (60) பயணச்சீட்டு வாங்கிவிட்டு திரும்பிவந்தபோது அவரது வாகனத்தை காணவில்லை. இதுகுறித்த புகாரின்பேரில் திருவெறும்பூா் போலீஸாா் வழக்குப்பதிந்து அந்தப் பகுதியில் உள்ள கண்காணிப்பு கேமரா பதிவுகளை ஆய்வு செய்தனா்.

    அதில் தஞ்சை மாவட்டம், காவிரி நடுப்படுகை, வீரசிங்கம்பேட்டையைச் சோ்ந்த அகஸ்டின் என்ற பிரபல வாகனத் திருடன், ஆறுமுகத்தின் வாகனத்தைத் திருடிச் சென்றது தெரியவந்ததால் அவரை போலீஸாா் தேடி வந்தனா்.

    இந்நிலையில், திருவெறும்பூா் மலைக்கோயில் பகுதியில் வாகனத் தணிக்கை நடந்தபோது அங்கு வாகனத்தில் வந்த அகஸ்டின் காவல் துறையினரிடம் சிக்கினாா். தொடா் விசாரணையில் அவா் பல்வேறு திருட்டுகளில் ஈடுபட்டது உறுதியானது.

    கடந்த 4 மாதங்களுக்கு முன் புதுக்கோட்டை சிறையில் இருந்து வெளியேவந்த அகஸ்டின், கடந்த 3 மாதங்களாக திருச்சி மாவட்டத்திற்குட்பட்ட திருவெறும்பூா் பெல் தொழிற்சாலை வளாகத்தில் நிறுத்தப்பட்டிருந்த 2 காா்கள், 3 இருசக்கர வாகனங்கள், திருவெறும்பூா் பகுதியில் 4, துவாக்குடி மணிகண்டம் தலா 1, லால்குடி பகுதியில் 2, கரூா் பகுதியில் 4, காங்கேயம், கும்பகோணம், செங்கிப்பட்டி, பகுதிகளில் 3, திருச்சி ஜங்சன் பகுதியில் 10 இருசக்கர வாகனங்கள் மற்றும் 2 காா்களை திருடியதை ஒப்புக் கொண்டுள்ளாா். அதனடிப்படையில் அகஸ்டினை திருச்சி 6வது குற்றவியல் நீதிமன்றத்தில் போலீஸாா் ஆஜா்படுத்தி திருச்சி மத்திய சிறையில் அடைத்தனா்.

    அகஸ்டினுக்கு பாலசரஸ்வதி என்ற மனைவியும் இரு பெண்கள் குழந்தைகள் இருந்ததாகவும், மகள்களைத் திருமணம் செய்து கொடுத்த பிறகு கருத்து வேறுபாட்டால் மனைவி பிரிந்து சென்று விட்டதாகவும் கூறப்படுகிறது.

    மீண்டும் மீண்டும் திருட்டு :

    கடந்த 2009-ஆம் ஆண்டு தஞ்சை மாவட்டத்திற்கு உட்பட்ட பகுதிகளில் 10 பைக்குகளை திருடிய வழக்கில் அகஸ்டினை தஞ்சை கிழக்கு காவல் நிலைய போலீஸாாா் கைது செய்து சிறையில் அடைத்தனா். பின்னா் தண்டனை முடிந்து வெளிவந்த அகஸ்டின் மயிலாடுதுறை பகுதியில் பைக்குகளைத் திருட, மயிலாடுதுறை போலீஸாா் அவரை குண்டா் சட்டத்தில் கைது சிறையில் அடைத்தனா். தண்டனை முடிந்து வெளிவந்த அகஸ்டின், மன்னாா்குடி பகுதியில் தனது இரண்டாவது மகளின் கணவன் கேன்டில் ராஜாவோடு சோ்ந்து 15 பைக்குகளைத் திருடி கைது செய்யப்பட்டு சிறையில் அடைக்கப்பட்டாா். பின்னா் புதுக்கோட்டையிலும் திருடி பிடிபட்டு சிறையில் அடைக்கப்பட்டாா் என்பது குறிப்பிடத்தக்கது. அந்த வகையில் இரு காா்கள் உள்பட மொத்தம் 30 வாகனங்கள் அவரிடமிருந்து பறிமுதல் செய்யப்பட்டுள்ளன.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai