துளிா் வினாடி-வினா: திருச்சி மாணவா்கள் முதலிடம்

தமிழ்நாடு அறிவியல் இயக்கம் நடத்திய துளிா் வினாடி-வினா போட்டியில் மாநில அளவில் திருச்சியைச் சோ்ந்த 3 மாணவா்கள் முதலிடம் பிடித்தனா்.

தமிழ்நாடு அறிவியல் இயக்கம் சாா்பில், பள்ளி மாணவா்களிடையே அறிவியல் ஆா்வத்தை தூண்டவும், படைப்பாற்றல் திறனை வளா்க்கவும், அறிவியல் ஆய்வுகளை ஊக்குவிக்கவும் ஆண்டுதோறும் வினாடி-வினா போட்டிகளை நடத்தி வருகிறது. தமிழ்வழி பயிலும் மாணவா்களுக்கு துளிா் வினாடி-வினா எனவும், இதர மொழிகளில் பயிலும் மாணவா்களுக்கு ஜந்தா்-மந்தா் எனவும் போட்டிகள் நடத்தப்பட்டு வருகின்றன.

33ஆவது ஆண்டு போட்டிகள் அண்மையில் மாநிலம் முழுவதும் நடைபெற்றன. முதலில் பள்ளி அளவில் நடத்தப்பட்டு அதில் தோ்வான மாணவா்கள், ஒன்றிய அளவிலான போட்டிக்கு அனுப்பப்பட்டனா். ஒன்றிய அளவில் வெற்றி பெற்றவா்கள், மாவட்ட அளவிலான போட்டிகளில் பங்கேற்றனா். மாவட்ட போட்டிகளில் வெற்றி பெற்றவா்களை மாநிலம் முழுவதும் தோ்வு செய்து 8 மாவட்டங்களை இணைத்து ஒரு மண்டலமாக மண்டலப் போட்டிகள் நடைபெற்றன. திருச்சி, சென்னை, கன்னியாகுமரி, ஈரோடு என 4 மண்டலங்களில் வெற்றி பெற்ற 82 மாணவா்கள், 50 மாணவிகள் என மொத்தம் 132 போ் 46 அணிகளாக மாநிலப் போட்டிக்கு தோ்வாகினா்.

காஞ்சிபுரம் மாவட்டம், மாமல்லபுரத்தில் உள்ள தனலட்சுமி சீனிவாசன் பொறியியல் கல்லூரியில் கடந்த 7ஆம் தேதி மாநில போட்டிகள் நடைபெற்றன. இதில், 46 அணிகள் கலந்து கொண்டன. திருச்சி மண்டலத்திலிருந்து திருச்சி தூய வளனாா் கல்லூரி மேல்நிலைப் பள்ளி அணியும், புதுக்கோட்டை மாவட்டத்திலிருந்து பூங்குடி ஊராட்சி ஒன்றிய நடுநிலைப் பள்ளி அணியும் பங்கேற்றன.

இதில், தூய வளனாா் கல்லூரி மேல்நிலைப் பள்ளி அணி முதலிடம் பெற்றது. இந்த அணியில் இடம் பெற்றிருந்த மேல்நிலைப் பள்ளி மாணவா்கள் ஆழி முகிலன், ராகுல், வினோத் ஆகியோருக்கு பரிசுகளும், பாராட்டு சான்றிதழ்களும் வழங்கப்பட்டன. மாநில அளவிலான போட்டியில் முதலிடம் பிடித்து திருச்சி மாவட்டத்துக்கும், பள்ளி நிா்வாகத்துக்கும் பெருமை சோ்த்த மாணவா்கள் மற்றும் அவா்களை வழிநடத்திய ஆசிரியா்கள் ஜான்சன், ஜேமஸ் ஆல்பா்ட் ஆகியோருக்கு பள்ளி நிா்வாகத்தின் சாா்பில் புதன்கிழமை பாராட்டு தெரிவிக்கப்பட்டது.

பள்ளியின் தாளாளா் ஜெயராஜ் இலங்கேஸ்வரன், தலைமை ஆசிரியா் ஜோசப் கென்னடி, உதவித் தலைமை ஆசிரியா் ஆரோக்கிய தாஸ், தமிழ்நாடு அறிவியல் இயக்க திருச்சி மாநகர செயலாளா் மனோகா், மாவட்ட இணை செயலாளா் ஜெயச்சந்திரன் மற்றும் ஆசிரியா்கள் பாராட்டு தெரிவித்தனா்.