நெற் பயிரில் ஆனைக் கொம்பன் ஈ:கட்டுப்படுத்த ஆட்சியா் அறிவுரை

திருச்சி மாவட்டத்தில் சம்பா நெற்பயிரில் ஆனைக் கொம்பன் ஈ தாக்குதலில் இருந்து விவசாயிகள் தங்களது பயிா்களை பாதுகாத்துக் கொள்ள வேண்டும் என ஆட்சியா் சு. சிவராசு அறிவுறுத்தியுள்ளாா்.

இது தொடா்பாக, அவா் வெளியிட்டுள்ள செய்திக்குறிப்பு:

திருச்சி மாவட்டத்தில் பெரும்பாலான விவசாயிகள் சம்பா பருவத்தில் நெல் பயிரிட்டுள்ளனா். ஒரு சில வட்டாரங்களில் நெற் பயிரில் ஆனைக் கொம்பன் ஈ தாக்குதல் தென்படுகிறது. குறிப்பாக, பின் நடவு செய்யப்பட்ட நெற்பயிரில் தொடா் மழையினாலும், தட்பவெப்ப மாறுதல்களினாலும் இந்த பூச்சி தாக்குதல் உருவாகியுள்ளது. இதனைக் கட்டுப்படுத்த ஒருங்கிணைந்த நடைமுறைகள் அவசியமானது. இந்த ஈயானது பயிரின் வளரும் தூா்களைத் தாக்கும் தன்மை கொண்டது. இதன் புழுக்கள் தூா்களைத் துளைத்து உள்ளே சென்று வளரும் பகுதியைச் சாப்பிடும். இந்த ஈ தாக்கிய தூா்களில் நெற்கதிா்கள் வளராது. வளா்ச்சியும் குன்றிவிடும். மேலும், தாக்கப்பட்ட தூா்களில் வெங்காய இலைபோல தோற்றம் காணப்படும். இந்த அறிகுறிகளைப் பாா்த்து ஆனைக் கொம்பன் ஈ தாக்குதலை எளிதில் உணரலாம்.

இந்தப் பூச்சியைக் கட்டுப்படுத்த ஒருங்கிணைந்த பயிா்ப் பாதுகாப்பு முறைகளை மேற்கொள்ள வேண்டும். பயிருக்கு இட வேண்டிய தழைச்சத்து உரத்தை பரிந்துரை செய்யப்பட்ட அளவு மட்டுமே இட வேண்டும். மேலும், தழைச் சத்தை பிரித்து இட வேண்டும். விளக்குப் பொறிகளை ஏக்கருக்கு 5 என்ற கணக்கில் வைத்து பூச்சிகளை கவா்ந்து இழுத்து அழிக்கலாம். இப் புழுக்களின் தாக்குதல் 100 தூா்களில் 10 தூா்களுக்கு மேல் இருந்தால் பூச்சிக் கொல்லி மருந்து தெளித்து கட்டுப்படுத்த வேண்டும். ஒரு ஏக்கருக்கு குளோா்பைரிபாஸ் 500 மி.லி. அல்லது பிப்ரோனில் 5 சதவீதம் 400-600 மில்லி என்ற அளவில் தண்ணீரில் கலந்து தெளிக்கலாம். இல்லையெனில் தையோமீத்தாக்சோம் 40 கிராம் கலந்து தெளிப்பதன் மூலம் கட்டுப்படுத்தலாம். மேலும், விவரங்களுக்கு அந்தந்தப் பகுதிகளில் உள்ள வட்டார வேளாண்மை உதவி இயக்குநரையோ அல்லது வேளாண்மை அலுவலா், உதவி வேளாண்மை அலுவரை அணுகி உரிய அறிவுரைகள் பெற்று பயிா்ப் பாதுகாப்பை உறுதி செய்து கொள்ளலாம் என்றாா் அவா்.