தண்டவாளப் பராமரிப்பு மற்றும் பொறியியல் பணிகள் காரணமாக, திருச்சி-தஞ்சை இடையே சனிக்கிழமை (ஜூன் 1) முதல் 30ஆம் தேதி வரை ரயில் சேவையில் சில மாற்றங்கள் செய்யப்பட்டுள்ளன. திருச்சி-தஞ்சாவூர்-திருச்சி இடையேயான பயணிகள் ரயில்கள் (வண்டி எண்கள் 76824-76827), ஜூன் 1, 8, 15, 22, 29 ஆகிய 5 நாள்களில் முழுமையாக ரத்து செய்யப்பட்டுள்ளன.
திருநெல்வேலி-மயிலாடுதுறை-திருநெல்வேலி இடையே இயக்கப்படும் பயணிகள் ரயில்கள் (வண்டி எண் 56822-56821) ஜூன் 1 முதல் 30 வரையில்( ஞாயிறு தவிர) மற்ற 25 நாள்களும் திருச்சி-தஞ்சை இடையிலும், திருச்சி - மயிலாடுதுறை பயணிகள் ரயில் (வண்டி எண் 56824) , ஜூன் 1 முதல் 10 ஆம் தேதி வரையில் கும்பகோணம் - மயிலாடுதுறை இடையிலும் ரத்து செய்யப்பட்டுள்ளன.
திருச்சி - மயிலாடுதுறை விரைவு ரயில் ( வண்டி எண். 16234), ஜூன் 1 முதல் 30 ஆம் தேதி வரை, ஞாயிற்றுக்கிழமை நீங்கலாக, சோழகம்பட்டி,பூதலூர் பகுதிகளில் நின்று, சுமார் 60 நிமிடங்கள் தாமதமாக மயிலாடுதுறையைச் சென்றடையும்.