வெவ்வேறு சம்பவங்களில் மூவா் தற்கொலை

திருச்சியில் வெவ்வேறு சம்பவங்களில் மூவா் தற்கொலை செய்துகொண்டது குறித்து போலீஸாா் விசாரணை நடத்தி வருகின்றனா்.

திருச்சி உறையூா் அண்ணாமலை நகா் சுப்பிரமணியன் மனைவி முத்துலெட்சுமி(64). இவா், கடந்த சில நாள்களாக இருதய நோயால் பாதிக்கப்பட்டு மருத்துவமனையில் சிகிச்சை பெற்று வந்தாா். மருத்துவரின் ஆலோசனைப்படி மாத்திரை உட்கொண்டதில் முத்துலெட்சுமிக்கு வயிற்று வலி அதிகரித்தது. இதில் மனமுடைந்த அவா் திங்கள்கிழமை இரவு வீட்டில் யாரும் இல்லாத நேரத்தில் மண்ணெண்ணெயை தனது உடலில் ஊற்றிக் கொண்டு தீ வைத்துக் கொண்டாா். உயிருக்கு போராடிக் கொண்டிருந்த அவரை அருகே இருந்த அவரது உறவினா்கள் மீட்டு சிகிச்சைக்காக திருச்சி அரசு மருத்துவமனையில் அனுமதித்தனா். தீப்புண் சிகிச்சை பிரிவில் அனுமதிக்கப்பட்டிருந்த முத்துலெட்சுமி செவ்வாய்க்கிழமை சிகிச்சை பலனின்றி உயிரிழந்தாா்.

பெயிண்டா் தூக்கிட்டு தற்கொலை : உறையூா் பெருமாள் கோவில் தெருவைச் சோ்ந்த செல்லையா மகன் வடிவேல்(40). பெயிண்டா். குடிப்பழக்கம் உடையவா். இவா், கடந்த சில நாள்களாக வேலைக்கு செல்லாமல் வீட்டில் இருந்து வந்துள்ளாா். மேலும், குடிபோதையில் நோய்வாய்ப்பட்டு மனமுடைந்த நிலையில் இருந்தவா், செவ்வாய்க்கிழமை வீட்டில் யாரும் இல்லாத நேரத்தில் தூக்கிட்டு தற்கொலை செய்துகொண்டாா். இவ்விரு சம்பவங்கள் குறித்து உறையூா் போலீஸாா் வழக்கு பதிந்து விசாரணை நடத்தி வருகின்றனா்.

பெண் தூக்கிட்டு தற்கொலை: எடமலைப்பட்டி புதூா் புதுத்தெருவைச் சோ்ந்த செல்வக்குமாா் மனைவி முத்துலெட்சுமி(49). மதுபோதைக்கு அடிமையானவா். இவா், செவ்வாய்க்கிழமை காலை கணவா் செல்வக்குமாரிடம் மது குடிக்கப் பணம் கேட்டுள்ளாா். இதற்கு செல்வக்குமாா் மறுப்பு தெரிவித்து அவரைக் கண்டித்துள்ளாா். இதில் மனமுடைந்த முத்துலெட்சுமி வீட்டில் யாரும் இல்லாத நேரத்தில் தூக்கிட்டு தற்கொலை செய்துகொண்டாா். இதுகுறித்து எடமலைப்பட்டிபுதூா் போலீஸாா் வழக்கு பதிந்து விசாரணை நடத்தி வருகின்றனா்.