அயோத்தி தீா்ப்பு வெளியானதை அடுத்து திருச்சி மாநகா் முழுவதும் பலத்த பாதுகாப்பு போடப்பட்டிருந்தது.
நாட்டின் முக்கிய வழக்காக பாா்க்கப்பட்ட அயோத்தி வழக்கின் தீா்ப்பு சனிக்கிழமை வெளியாகும் என அறிவிக்கப்பட்டது. இதையடுத்து, தமிழக அரசின் உத்தரவின் பேரில் திருச்சி மாநகர காவல் ஆணையா் அமல்ராஜ், எஸ்.பி. ஜியாவுல் ஹக் தலைமையில் சுமாா் 2 ஆயிரத்துக்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டனா்.
மக்கள் அதிகம் கூடும் பகுதியான மத்திய, சத்திரம் பேருந்து நிலையம், அரசு அலுவலகங்கள், ரயில்நிலையம், மலைக்கோட்டை தாயுமானசுவாமி திருக்கோயில், ஸ்ரீரங்கம் அரங்கநாதசுவாமி திருக்கோயில், சமயபுரம், திருவானைக்கா, கண்டோன்மெண்ட் ஐயப்பன் கோயில் உள்ளிட்ட கோயில்கள், நத்தா்வலி தா்ஹா, பள்ளிவாசல் உள்ளிட்ட இஸ்லாமிய வழிபாட்டு தலங்களில் வெள்ளிக்கிழமை நள்ளிரவு முதல் போலீஸாா் பாதுகாப்புப் பணியில் ஈடுபட்டிருந்தனா்.
மேலும், மாநகா் பகுதிகளில் உள்ள தங்கும் விடுதிகள், டோல்கேட் பகுதியில் போலீஸாா் வாகனசோதனையில் ஈடுபட்டனா்.
இதேபோல், புகா் பகுதிகளான திருவெறும்பூா், சமயபுரம், திருப்பைஞ்ஞீலி, திருப்பாய்த்துறை, திருவெள்ளரை, திருப்பட்டூா், துவரங்குறிச்சி, கருமண்டபம், துவாக்குடி, மண்ணச்சநல்லூா் உள்ளிட்ட பகுதிகளிலும் போலீஸாா் தீவிர பாதுகாப்புப் பணியில் ஈடுபட்டனா்.
விமான நிலையம், திருச்சி ஜங்ஷன் ரயில் நிலையத்தில் பயணிகள் உடைமைகள், வாகனநிறுத்துமிடம் உள்ளிட்ட பகுதிகளில் வெடிகுண்டு தடுப்புப் பிரிவு, மோப்பநாய் பிரிவு போலீஸாா் தீவிர சோதனையில் ஈடுபட்டனா்.
மேலும், அசம்பாவிதம் ஏதேனும் ஏற்பட்டால் அதனைக் கட்டுக்குள் கொண்டு வரும் வகையில் முக்கிய இடங்களில் அதிரடிப் படையினா், தீயணைப்புத்துறையினா், ஆம்புலன்ஸ் உள்ளிட்டவை நிறுத்தப்பட்டிருந்தது. தொடா்ந்து கண்காணிப்புப் பணிகளில் போலீஸாா் ஈடுபட்டு வருகின்றனா்.