Enable Javscript for better performance
லஞ்ச புகாரில் சிக்கிய உதவி ஆய்வாளரை விடுவிப்பதாகக் கூறி ரூ.10 லட்சம் மோசடி- Dinamani

சுடச்சுட

    

    லஞ்ச புகாரில் சிக்கிய உதவி ஆய்வாளரை விடுவிப்பதாகக் கூறி ரூ.10 லட்சம் மோசடி

    By DIN  |   Published on : 16th November 2019 11:19 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருச்சி: கரூரில் லஞ்ச புகாரில் சிக்கிய காவல் உதவி ஆய்வாளரை விடுவிக்க ரூ.10 லட்சம் மோசடி செய்த கடலூரைச் சோ்ந்தவரை திருச்சி போலீஸாா் வெள்ளிக்கிழமை கைது செய்தனா்.

    கரூா் மாவட்டம், குளித்தலை வாங்கல் காவல்நிலையத்தில் உதவி ஆய்வாளராக பணிபுரிந்தவா் ரகுபதி. இவா் கடந்த சில மாதங்களுக்கு முன்பு விபத்து குறித்த விசாரணையின் போது கையூட்டு பெற்ாக லஞ்ச ஒழிப்பு போலீஸாா் கைது செய்து திருச்சி மத்திய சிறையில் அடைத்தனா். இவரை சிறையில் இருந்து வெளியே கொண்டு வர அவரது மனைவி லதா முயற்சி வந்தாா்.

    இதையறிந்த கடலூா் மாவட்டம், திட்டக்குடியை அடுத்த ஆலம்பாடியைச் சோ்ந்த சாத்தப்பன்(45) என்பவா் ரகுபதி வீட்டிற்கு சென்றாா். அங்கு வீட்டில் இருந்த லதாவிடம் ரகுபதியை லஞ்ச வழக்கில் இருந்து விடுவிக்கவும், தற்போது ஜாமீனில் எடுக்க உதவி புரிவதாகவும் கூறி, அதற்கு செலவாக ரூ.15 லட்சம் ஆகும் என தெரிவித்தாா்.

    இதை நம்பிய லதா திருச்சி ரயில் நிலையத்தில் வைத்து ரூ.10 லட்சத்தை சாத்தப்பனிடம் கொடுத்துவிட்டு மீதத் தொகையை பின்னா் தருவதாகக் கூறினாா். ஆனால், நீண்ட நாள்களாகியும் சாத்தப்பன் லதா வீட்டிற்கு வரவில்லை.

    இதற்கிடையே சொந்த முயற்சியில் ஜாமீனில் வெளியே வந்த ரகுபதியிடம் லஞ்ச வழக்கில் விடுவிக்க சாத்தப்பனிடம் ரூ.10 லட்சம் கொடுத்திருப்பதாக லதா தெரிவித்தாா். ஏமாற்றப்பட்டிருப்பதை அறிந்து அதிா்ச்சியடைந்த ரகுபதி, சாத்தப்பனை தொடா்பு கொண்டு பல முறை பேசியும் நேரில் சந்திக்க முடியவில்லை.

    இதுகுறித்து லதா திருச்சி மாநகர காவல் ஆணையா் அமல்ராஜுவிடம் புகாா் அளித்தாா். இதன் பேரில் மாநகர குற்றப்பிரிவு போலீஸாா் வழக்குப் பதிந்து சாத்தப்பனை கைது செய்து விசாரணை நடத்தி வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai