Enable Javscript for better performance
பாஜக ஆட்சியில் உள்நாட்டு உற்பத்தி திறன் குறைவு: உதயநிதி ஸ்டாலின் குற்றச்சாட்டு- Dinamani

சுடச்சுட

    

    பாஜக ஆட்சியில் உள்நாட்டு உற்பத்தி திறன் குறைவு: உதயநிதி ஸ்டாலின் குற்றச்சாட்டு

    By DIN  |   Published on : 17th November 2019 03:01 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-4-16ddmk1093519

    கூட்டத்தில் பேசுகிறாா் திமுக இளைஞரணி செயலா் உதயநிதி ஸ்டாலின். உடன் (இடமிருந்து) சட்டப்பேரவை உறுப்பினா்கள் செ. ஸ்டாலின் குமாா், அ. செளந்தரபாண்டியன், அன்பில் மகேஷ் பொய்யாமொழி,

    முந்தைய காங்கிரஸ் ஆட்சியுடன் ஒப்பிடுகையில், தற்போதைய பாஜக ஆட்சியில் உள்நாட்டு உற்பத்தி திறன் மிக குறைவாகவே உள்ளது என்று திமுக இளைஞரணி செயலா் உதயநிதி ஸ்டாலின் சனிக்கிழமை தெரிவித்தாா்.

    இதுகுறித்து திருச்சி விமானநிலையம் அருகே நடைபெற்ற திமுக பொதுக்குழு கூட்டத்தில் அவா் மேலும் பேசியது:

    திருச்சி திமுகவிற்கு பல திருப்பு முனையை தந்துள்ளது. திருச்சியில்தான் 1980 ஆம் ஆண்டு இளைஞரணி என்னும் அமைப்பு திமுகவில் உருவாக்கப்பட்டது. மக்களவை தோ்தலில் 39 தொகுதிகளில் திமுக வென்று மூன்றாவது பெரிய கட்சியாக உள்ளதற்கு தமிழக மக்களே காரணம்.

    நீட் தோ்வை ரத்து செய்ய வலியுறுத்துவோம் எனக் கூறியது அதிமுக. ஆனால், நீட் தோ்வை முழுமையாக ரத்து செய்வோம் என வாக்குறுதி அளித்தது திமுக மட்டுமே.

    இந்தி மொழி எதிா்ப்பு போராட்டம் ஒத்திவைக்கப்பட்டுள்ளதே தவிர திரும்ப பெறவில்லை. இந்தி திணிக்கப்பட்டால் எப்போது வேண்டுமானாலும் போராட்டம் நடத்துவோம்.

    தமிழக முதல்வரும், துணை முதல்வரும் வெளிநாடுகளுக்கு சுற்றுலா சென்று வருகின்றனா். முதலீட்டாளா் மாநாட்டின் மூலம் சுமாா் 6 லட்சம் கோடி முதலீடு ஈா்க்கப்பட்டுள்ளது.தொழில் தொடங்கப்பட்டுள்ளது. பலநூறு நிறுவனங்களிடம் புரிந்துணா்வு ஒப்பந்தம் போடப்பட்டுள்ளது என முன்னாள் முதல்வா் ஜெயலலிதாவும், தற்போதைய முதல்வரும் கூறினாா்கள். ஆனால், இதுவரை ஒரு ரூபாய் கூட வரவில்லை. ஒரே ஒரு நிறுவனம் கூட தமிழகத்தில் தொழிற்சாலை தொடங்க முன்வரவில்லை. மாறாக தொழிற்சாலைகள் மூடப்பட்டு வருகிறது.

    நாட்டின் உள்நாட்டு உற்பத்தி திறன் காங்கிரஸ் ஆட்சியில் 9 சதவீதம் இருந்தது. தற்போது, 4.3 சதவீதமாக குறைந்துள்ளது. இதற்கு ஜிஎஸ்டி, பணமதிப்பிழப்பு ஆகியவையே காரணம் என்றாா்.

    இக்கூட்டத்தில், மாவட்ட செயலா் கே.என்.நேரு தலைமை வகித்தாா். வடக்கு மாவட்ட செயலா் ந.தியாகராஜன், மாநகர செயலா் மு.அன்பழகன், மாவட்ட இளைஞரணி அமைப்பாளா் என்.ஆனந்த் ஆகியோா் முன்னிலை வகித்தனா். திருவெறும்பூா், லால்குடி,துறையூா் திமுக எம்.எல்.ஏக்கள் மகேஸ் பொய்யாமொழி, செளந்தரபாண்டியன், ஸ்டாலின் குமாா் ஆகியோா் வாழ்த்துரை வழங்கினா். இதில், மாவட்ட, ஒன்றிய, வட்ட திமுக நிா்வாகிகள், தொண்டா்கள் பலா் கலந்துகொண்டனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai