தவறவிட்ட 3 பவுன் கைப்பையை ஒப்படைத்த காவலா்!

தவறவிட்டவரின் 3 பவுன் கைப்பையை காவலா் ஒருவா் சனிக்கிழமை போலீஸாரிடம் ஒப்படைத்தாா்.
தங்க நகை உள்ள கைப்பையை ஒப்படைக்கும் காவலா் சந்தோஷ்.
தங்க நகை உள்ள கைப்பையை ஒப்படைக்கும் காவலா் சந்தோஷ்.

தவறவிட்டவரின் 3 பவுன் கைப்பையை காவலா் ஒருவா் சனிக்கிழமை போலீஸாரிடம் ஒப்படைத்தாா்.

திருச்சி அரிஸ்டோ ரவுண்டானா பகுதி வாகன நெரிசல் அதிகம் காணப்படும் பகுதியாக உள்ளது. இப்பகுதியில், மருத்துவமனைக்கு சென்று திரும்பும் போது தம்பதியா் 2 போ் தனது கைப்பையை சனிக்கிழமை மாலை தவறவிட்டுள்ளனா்.

சிறிது நேரத்துக்கு பிறகு, இதே வழியில் வந்த சிறப்பு காவல்படை காவலா் சந்தோஷ் என்பவா் அரிஸ்டோ ரவுண்டானா அருகே கீழே கிடந்த கைப்பையை கண்டெடுத்துள்ளாா். தொடா்ந்து, கண்டோன்மென்ட் காவல்நிலையத்துக்கு சென்ற காவலா் பணியில் இருந்த உதவி ஆய்வாளா் சீனிவாசனிடம் ஒப்படைத்தாா்.

அந்த கைப்பையில், 3 பவுன் தங்க நகைகள், செல்லிடப்பேசி, மருத்துவ ஆவணங்கள் இருப்பது தெரியவந்தது. இதையடுத்து, செல்லிடப்பேசி மூலம் உரிய தம்பதியரை போலீஸாா் தொடா்பு கொண்டு வரவழைத்தனா். பின்பு, அவா்களது கைப்பையை போலீஸாா் ஒப்படைத்தனா். கைப்பையை கண்டெடுத்து ஒப்படைத்த காவலருக்கு தம்பதியா் நன்றி தெரிவித்தனா். போலீாஸாரும் காவலா் சந்தோஷை பாராட்டினா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com