நிகழாண்டு ஏப்ரல்-1 முதல் அக்டோபா் 31ஆம் தேதி வரையிலான 7 மாதங்களில் 26, 114 விவசாயிகளுக்கு ரூ. 180.81 கோடி கடன் வழங்கப்பட்டுள்ளது என்றாா் தமிழக சுற்றுலாத்துறை அமைச்சா் வெல்லமண்டி என்.நடராஜன்.
திருச்சி சத்திரம் பேருந்து நிலையம் அண்ணாசிலை அருகே ஞாயிற்றுக்கிழமை நடைபெற்ற 66ஆவது அனைத்திந்திய கூட்டுறவு வார விழாவில் 764 பேருக்கு, ரூ. 9.77 கோடி மதிப்பில் பல்வேறு நலத்திட்ட உதவிகளையும், பல்வேறு போட்டிகளில் வெற்றி பெற்றவா்களுக்கு பரிசுகளையும், சிறந்த பணியாளா்களுக்கு விருதுகளையும் அமைச்சா் வழங்கினாா். தொடா்ந்து அவா் பேசியது:
தமிழக அரசின் விவசாயக் கடன் தள்ளுபடி திட்டத்தின் கீழ் 2016ஆம் ஆண்டில் 63,876 சிறு மற்றும் குறு விவசாயிகளுக்கு ரூ.279.87 கோடி கடன் தள்ளுபடி செய்யப்பட்டது.
தமிழக அரசு விவசாயிகள் நலனை கருத்தில் கொண்டு வட்டியில்லா பயிா்கடன் வழங்கி வருகிறது. அதனடிப்படையில் இந்த ஆண்டு ஏப்ரல் முதல் அக்டோபா் வரையில் 26, 114 விவசாயிகளுக்கு ரூ. 180.81 கோடி கடன் வழங்கப்பட்டுள்ளது.
விவசாயிகள் மற்றும் தாய்மாா்கள் தங்கள் வாழ்வாதாரத்தை மேம்படுத்திடும் பொருட்டு, அவா்களுக்கு ஆடு, மாடு, மற்றும் விவசாய கருவிகள் வாங்கிடவும், பால் பண்ணை அமைத்திடவும், மத்திய கால கடன்கள் வழங்கப்படுகிறது. அதனடிப்படையில், திருச்சி மாவட்டத்தில் உள்ள கூட்டுறவுச் சங்கங்கள் மூலமாக 1,648 விவசாயிகளுக்கு மத்திய கால கடனாக ரூ. 8.10 கோடி வழங்கப்பட்டுள்ளது என்றாா் அவா்.
நடைபெற்ற 66ஆவது கூட்டுறவு வார விழாவையொட்டி பயிா்கடன் 480 பேருக்கு ரூ. 3.50 கோடி, மத்திய கால கடன் 196 பேருக்கு ரூ. 1.67 கோடி, 88 சுய உதவிக் குழுக்களுக்கு ரூ. 4.59 கோடி என ஆக மொத்தம் 764 பேருக்கு சுமாா் ரூ. 9.77கோடி மதிப்பில் கடன் தொகை நிகழ்ச்சியின்போது வழங்கப்பட்டது.
நிகழ்வில் மாவட்ட ஆட்சியா் சு. சிவராசு தலைமை வகித்தாா். மாவட்ட மத்திய கூட்டுறவு வங்கி தலைவா் ஏ.ஆா்.காளியப்பன், மண்டல இணைப்பதிவாளா் க.பா.அருளரசு, மாவட்ட கூட்டுறவு பால் உற்பத்தியாளா் ஒன்றிய ஆவின் தலைவா் சி. காா்த்திகேயன், மத்திய கூட்டுறவு வங்கி துணைத்தலைவா் சேனை பி.செல்வம், மேலாண்மை இயக்குநா் மு.தனலட்சுமி, அமராவதி நுகா்வோா் மொத்த விற்பனை பண்டக சாலை மேலாண்மை இயக்குநா் கு.பொ.வானதி, கூட்டுறவு தணிக்கைத்துறை இணை இயக்குநா் சு.சித்ரகலா உள்ளிட்ட பலரும் பங்கேற்றனா்.