பெண் காவலரை ஏமாற்றிய ஆயுதப்படை வீரா் மீது வழக்கு

திருமணம் செய்வதாக பெண் காவலரை ஏமாற்றிய ஆயுதப்படை வீரா் மீது போலீஸாா் வழக்குப் பதிந்து விசாரணை நடத்தி வருகின்றனா்.

தேனி மாவட்டம், சின்னமனூா் சன்னதி தெருவைச் சோ்ந்த பீா்பாட்சா மகள் தஸ்லிம்பானு(19). இவா் கடந்த 2018 ஆம் ஆண்டு தமிழக காவல்துறையில் பணிக்கு சோ்ந்து திருச்சி ஆயுதப்படையில் தங்கி பயிற்சி பெற்றாா். அப்போது திருச்சி சுப்ரமணியபுரம் இந்திர நகரைச் சோ்ந்த ராஜசேகா்(28) என்பவருடன் பழக்கம் ஏற்பட்டது. நாளடைவில் காதலாக மாறி, இருவரும் இணைந்து வாழ்ந்து வந்ததாகக் கூறப்படுகிறது.

இதையடுத்து தன்னை பதிவு திருமணம் செய்து கொள்ளுமாறு ராஜசேகரிடம் தஸ்லிம்பானு வற்புறுத்தி வந்துள்ளாா். ஆனால் ராஜசேகா், உறவினா் விஜயனாந்த், அவரது மனைவி ஷீலா ஆகியோா் தஸ்லிம்பானுவை மிரட்டி வந்துள்ளனா். இதில் மனமுடைந்த தஸ்லிம்பானு கடந்த 8ஆம் தேதி எலி மருந்து உட்கொண்டு தற்கொலைக்கு முயன்றாா். அவருக்கு திருச்சி அரசு மருத்துவமனையில் சிகிச்சை அளிக்கப்பட்டது.

இதுதொடா்பான விசாரணையின்போது, தன்னை திருமணம் செய்து கொள்வதாக ஏமாற்றிவிட்டதாக ராஜசேகா் மீது தஸ்லிம் பானு கண்டோன்மெண்ட் அனைத்து மகளிா் காவல்நிலையத்தில் புகாா் அளித்தாா்.

இதன்பேரில் ராஜசேகா் உள்ளிட்ட மூவா் மீது மகளிா் காவல் நிலைய ஆய்வாளா் ஆனந்தவள்ளி வழக்குப் பதிவு செய்துள்ளாா். இதைத் தொடா்ந்து தலைமறைவாக உள்ள மூவரையும் தனிப்படை போலீஸாா் தேடி வருகின்றனா்.