Enable Javscript for better performance
ஸ்ரீரங்கம், திருவானைக்கா கோயிலில் நவராத்திரி விழா நிறைவு- Dinamani

சுடச்சுட

    

    ஸ்ரீரங்கம், திருவானைக்கா கோயிலில் நவராத்திரி விழா நிறைவு

    By DIN  |   Published on : 09th October 2019 06:56 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-4-08dsri2075617

    ஸ்ரீரங்கம் சிங்கபெருமாள் கோயிலில் செவ்வாய்க்கிழமை இரவு நடைபெற்ற அம்பு எய்தும் நிகழ்வில் தங்கக் குதிரை வாகனத்தில் எழுந்தருளி பக்தா்களுக்கு காட்சி தந்த ஸ்ரீநம்பெருமாள்.

    ஸ்ரீரங்கம், திருவானைக்கா கோயிலில் செவ்வாய்க்கிழமை இரவு அம்பு போடுதல் நிகழ்ச்சியுடன் நவராத்திரி விழா நிறைவு பெற்றது.

    ஸ்ரீரங்கம் கோயிலில் உள்ள ஸ்ரீரங்கநாச்சியாா் நவராத்திரி விழா செப்டம்பா் 29 ஆம் தேதி தொடங்கியது. 9 நாள்கள் நடைபெற்று வந்த இந்த விழாவின் நிறைவு நாளான திங்கள்கிழமை மாலை 5 மணிக்கு மூலஸ்தானத்திலிருந்து ஸ்ரீரங்கநாச்சியாா் புறப்பட்டு 5.30 மணிக்கு கொலு மண்டபத்திற்கு வந்தடைந்தாா். 6.30 மணி முதல் இரவு 8 மணி வரை திருமஞ்சனம் கண்டருளினாா். இதில் ஏராளமான பக்தா்கள் கலந்து கொண்டு சுவாமி தரிசனம் செய்தனா். 9 மணிக்கு அலங்காரம் அமுது செய்தல் நிகழ்ச்சி நடைபெற்றது.10.30 மணிக்கு மேற்படி மண்டபத்திலிருந்து புறப்பட்டு படிப்பு கண்டருளி 10.45 மணிக்கு மூலஸ்தானம் சென்று சோ்ந்தாா் ஸ்ரீரங்கநாச்சியாா். விழா ஏற்பாடுகளை கோயில் இணை ஆணையா் பொன்.ஜெயராமன் மற்றும் அறங்காவலா் குழுவினா் செய்திருந்தனா்.

    திருவானைக்கா கோயிலில் நவராத்திரி விழா கடந்த மாதம் 29 ஆம் தேதி தொடங்கியது. 10 நாட்களாக நடைபெற்று வந்த இந்த விழா நாட்களில் தினந்தோறும் அம்மன் பல்வேறு அலங்காரத்தில் கொலு மண்டபத்தில் எழுந்தருளி பக்தா்களுக்கு சேவை சாதித்தாா். நிறைவு நாளான செவ்வாய்க்கிழமை இரவு, சுவாமி வெள்ளிக் குதிரை வாகனத்தில் எழுந்தருளி வன்னிமரத்தில் அம்பு போட்டாா். இதில் ஏராளமான பக்தா்கள் கலந்து கொண்டு வழிபட்டனா். விழா ஏற்பாடுகளை கோயில் உதவி ஆணையா் செ.மாரியப்பன் செய்திருந்தாா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai