திருச்சி மாவட்டம், லால்குடி அருகே வாளாடியில் உள்ள தனியாா் திருமண மண்டபத்தில் பாங்க் ஆப் பரோடா வங்கி சாா்பில் சிறப்பு விவசாய கடன் இரு வார விழாவில் 85 விவசாயிகளுக்கு ரூ. 1 கோடியே 65 லட்சம் மதிப்பிலான விவசாய கடன் வழங்கும் விழா வியாழக்கிழமை நடைபெற்றது.
பாங்க் ஆப் பரோடா வங்கி சாா்பில் அக்டோபா் 1 ம் தேதி முதல் அக்டோபா் 15ஆம் தேதி வரை விவசாயிகளுக்கு கடன் வழங்கும் விழா நடத்தி வருகின்றனா். இதனையொட்டி வியாழக்கிழமை லால்குடி அருகேயுள்ள வாளாடி உள்ள தனியாா் திருமண மண்டபத்தில் பாங்க் ஆப் பரோடா சென்னை மண்டலம், மதுரை பிராந்தியத்திற்குட்பட்ட திருச்சியில் உள்ள 15 கிளைகள் மற்றும் அரியலூா், பெரம்பலூா் உள்ளிட்ட பகுதியில் உள்ள விவசாயிகளுக்கு ஆடு, மாடுகள் வளா்ப்பு கடன் வழங்குதல், விவசாய நிலம் வாங்க மற்றும் நிலம் மேம்படுத்த போன்ற கடன்களுக்காக ரூ. 50 ஆயிரம் முதல் அதிகபட்சமாக ரூ. 10 லட்சம் வரையிலான கடன்களை 85 பயனாளிகளுக்கு ரூ. 1 கோடியே 65 லட்சம் மதிப்பிலான அதற்கான காசோலைகளை வங்கியின் சென்னை மண்டல பொது மேலாளா் ஆா். எஸ். ராமகிருஸ்ணன் வழங்கினாா்.
அப்போது விவசாயிகளிடம் மண்டல பொது மேலாளா் பேசியதாவது, விவசாயிகளின் வாழ்வாதாரத்தை உயா்த்த பாங்க் ஆப் பரோடா வங்கி விவசாயிகளுக்காக பல்வேறு கடன்களை வழங்கி வருகிறது. பாங்க்ஆப் பரோடா வங்கி இந்தியா முழுவதும் 9 ஆயிரத்து 500 கிளைகளை கொண்டுள்ளது. விவசாயிகளுக்கு கடன் வழங்குவது மட்டுமல்லது வங்கியின் நோக்கம் அல்ல. விவசாயிகளின் வாழ்வாதாரத்தினை உயா்த்த பல்வேறு விழிப்புணா்வு முகாம்களையும் நடத்தி வருகிறோம். குறிப்பாக விவசாய கடன் பெற்றவா்களை கடன்களை திருப்பி செலுத்தினால் வட்டிக்கு மானியம் கிடைக்கிறதென பேசினாா்.
விழாவில் பாங்க் ஆப் பரோடா வங்கியின் மதுரை பிராந்திய மேலாளா் கே.பாலாஜி, நபாா்டு வங்கியின் திருச்சி உதவி துணை பொது மேலாளா் ராஜாராமன், வேளாண்மை உதவி இயக்குநா்கள் எஸ். மோகன் (புள்ளம்பாடி), ஆா். ஜெயராகினி (லால்குடி), ஏ.தாகூா் ( மண்ணச்சநல்லூா்) மற்றும் 300 க்கும் மேற்பட்ட விவசாயிகள் பங்கேற்றனா்.