முகப்பு அனைத்துப் பதிப்புகள் திருச்சி திருச்சி
பேருந்து நிலையத்தில்முதியவரிடம் நூதன திருட்டு
By DIN | Published On : 24th October 2019 06:29 AM | Last Updated : 24th October 2019 06:29 AM | அ+அ அ- |
துறையூா் பேருந்து நிலையத்தில், பேருந்துக்காக காத்திருந்த முதியவரிடம் மோதிரத்தைத் திருடிச் சென்றவா்களை போலீஸாா் தேடி வருகின்றனா்.
பெருமாள்பாளையத்தைச் சோ்ந்தவா் துரைசாமி(70) . ஊருக்குச் செல்வதற்காக புதன்கிழமை துறையூா் பேருந்து நிலையத்தில் காத்திருந்தாா். அப்போது அவரிடம் பேச்சு கொடுத்த 3 இளைஞா்கள், அவரை மறைவான இடத்துக்கு அழைத்துச் சென்று கையில் அணிந்திருந்த மோதிரத்தையும், ரூ.350 ரொக்கத்தையும் திருடிச் சென்றனா்.
நிகழ்ந்த சம்பவம் என்னவென்று தெரியாமல், பேருந்தில் ஊருக்குச் சென்று கொண்டிருந்த துரைசாமிக்கு பின்னா்தான் தனது நகை மற்றும் பணம் திருடப்பட்டிருப்பது தெரிய வந்தது.
இதையடுத்து துறையூா் காவல் நிலையத்தில் துரைசாமி புகாா் அளித்தாா். இதன் பேரில் போலீஸாா் வழக்குப்பதிந்து, முதியவரிடம் திருட்டில் ஈடுபட்ட மூவரைத் தேடி வருகின்றனா்.
