ஆற்றில் வீசப்பட்ட கல்லூரி மாணவரைத் தேடும் பணி

திருச்சி மாவட்டம், சமயபுரம் நெ.1 டோல்கேட் பகுதியில் உள்ள கொள்ளிடம் ஆற்றில் கல்லூரி மாணவரைத் தூக்கி வீசிய இளைஞா்களில் இருவரை போலீஸாா் கைது செய்தனா்.

திருச்சி அருகே துறையூா் புலிவலம் பகுதியைச் சோ்ந்தவா் செந்தில்குமாா் மகன் ஜீவித் (20), திருச்சி அண்ணா பொறியியல் கல்லூரியில் எலக்ட்ரிக்கல் அன்ட் எலட்ரானிக்கல் மூன்றாம் ஆண்டு மாணவா்.

இதே பகுதியைச் சோ்ந்த ராஜேந்திரன் மகள் திருச்சி உறையூரில் உள்ள காவேரி மகளிா் கலை அறிவியல் கல்லூரியில் எம்ஏ படிக்கிறாா். காதலா்களான இருவரும் புதன்கிழமை மதியம் திருச்சி சமயபுரம் கொள்ளிடம் ஆற்றின் கீழ் உள்ள மையப்பகுதியில் தனிமையில் பேசிக் கொண்டிருந்தனா்.

அப்போது அப் பகுதியில் கஞ்சா போதையில் இருந்த 5 இளைஞா்கள் அங்கு வந்து அந்தப் பெண்ணிடம் தகாத முறையில் நடக்க முற்பட்டனா். அப்போது ஜீவித்துக்கும் அந்த இளைஞா்களுக்கும் கைகலப்பு ஏற்பட்டது. அப்போது அவா்கள் ஜீவித்தை தூக்கி கொள்ளிடம் ஆற்றில் 14 ஆயிரம் கன அடி தண்ணீா் செல்லும் பகுதியில் வீசினா்.

அப்போது அந்த இளைஞா்களிடமிருந்து தப்பியோடிய மாணவி கொள்ளிடம் காவல் நிலையத்தில் தஞ்சமடைந்தாா். இதையடுத்து மாணவியுடன் வந்த போலீஸாா் சம்பவ இடத்தைப் பாா்வையிட்டனா். பின்னா் தகவலின்பேரில் ஸ்ரீரங்கம் தீயணைப்பு படை நிலைய அலுவலா் ஆரோக்கியசாமி உள்ளிட்ட 9 போ் கொண்ட குழுவினா் சம்பவ இடத்தில் ரப்பா் படகு மூலம் காதலனைத் தேடும் பணியில் ஈடுபட்டனா்.

இந்நிலையில் மாணவி காட்டிய அடையாளத்தின்பேரில் அப் பகுதியில் போதையில் இருந்த மண்ணச்சநல்லூா் அருகே தேவிமங்கலம் கிராமத்தைச் சோ்ந்த ராமா் மகன் கலையரசன் (22), புள்ளம்பாடி அருகே சேகா் மகன் கோகுல் (21) ஆகியோரை கொள்ளிடம் போலீஸாா் கைது செய்து விசாரிக்கின்றனா். மேலும் தப்பியோடிய மூவரைத் தேடி வருகின்றனா்.

தேடும் பணி நிறுத்தி வைப்பு..

தற்போது கொள்ளிடம் ஆற்றில் 14 ஆயிரம் கன அடி தண்ணீா் வந்து கொண்டிருப்பதால், ரப்பா் படகு மூலம் தேடும் பணி தற்காலிகமாக நிறுத்தப்பட்டுள்ளது. இருப்பினும் தொடா்ந்து மாணவரைத் தேடும் பணி நடைபெறுகிறது என மாவட்ட தீயணைப்பு படை அலுவலா் புலுகாண்டி தெரிவித்தாா்.