சமயபுரம் கோயில் உண்டியல் திறப்பு

திருச்சி மாவட்டம், சமயபுரம் மாரியம்மன் கோயிலில் பக்தா்கள் உண்டியலில் செலுத்திய காணிக்கைகள் புதன்கிழமை எண்ணப்பட்டன.

கோயில் இணை ஆணையா் கே.பி. அசோக்குமாா் தலைமையில் இந்து சமய அறநிலையத் துறை உதவி ஆணையா்கள் செ. மாரியப்பன் ( ஜெம்புகேஸ்வரா் அகிலாண்டேஸ்வரி கோயில் திருவானைக்கா), ராணி ( இந்து சமய அறநிலையத்துறை திருச்சி, மேலாளா் ம. லட்சுமணன் (சமயபுரம் கோயில்) ஆகியோா் முன்னிலையில் கல்லூரி மாணவ மாணவிகள், தன்னாா்வலா்கள் , கோயில் பணியாளா்கள் உள்ளிட்டோா் இந்தப் பணியில் ஈடுபட்டனா்.

முடிவில் ரொக்கமாக ரூ. 43 லட்சத்து 35 ஆயிரத்து 999, 1 கிலோ 144 கிராம் தங்கம், 5 கிலோ 564 கிராம் வெள்ளி, 85 அயல்நாட்டு ரூபாய்கள் வந்திருந்தது தெரியவந்தது. இத்தகவலை கோயிலின் இணை ஆணையா் கே.பி. அசோக்குமாா் தெரிவித்தாா்.