சுடச்சுட

    

    சங்கிலி பறிப்பில் ஈடுபட்டவர் வாகனச் சோதனையில் சிக்கினார்

    By DIN  |   Published on : 13th September 2019 10:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருச்சியில் தொடர்ந்து சங்கிலி பறிப்புச் சம்பவங்களில் ஈடுபட்டு வந்த நபரை, வாகனச் சோதனையின் போது போலீஸார் கைது செய்தனர். மேலும், அவரிடம் இருந்து நகை மற்றும் வாகனத்தைப் பறிமுதல் செய்தனர். 
    திருச்சி, பொன்னகர் அருகேயுள்ள செல்வநகர் பகுதியைச் சேர்ந்தவர் மா. இமாகுலேட்டா எழிலரசி (50). இவர் அதே பகுதியில் மளிகைக் கடை வைத்துள்ளார். கடந்த செப். 5 ஆம் தேதி இரவு இவர், கடையை மூடிவிட்டு சென்றபோது, அவ்வழியே சென்ற மர்ம நபர், எழிலரசி அணிந்திருந்த 8 பவுன் சங்கிலியை பறித்துச் சென்று விட்டார்.
    இதுதொடர்பாக திருச்சி செஷன்ஸ் நீதிமன்ற காவல் நிலைய போலீஸார் வழக்குப் பதிவு செய்து விசாரணை மேற்கொண்டு வந்தனர். இந்நிலையில், போலீஸார்,  வியாழக்கிழமை மாலை நீதிமன்றம் அருகே எம்ஜிஆர் சிலை பகுதியில்  மேற்கொண்ட வாகனச் சோதனையில், சந்தேகத்துக்கிடமான வகையில் இருசக்கர வாகனத்தில் வந்த நபரைப் பிடித்து விசாரணை மேற்கொண்டனர். இதில், அவர் திருச்சி வயலூர் சாலை சீனிவாச நகர் ஓளவையார் தெருவைச் சேர்ந்த பெ. புஜிஇம்ரான் (24) என்பதும், அவர்தான் வழிப்பறியில் நகையைப்  பறித்துச் சென்றதும் தெரியவந்தது. இதனையடுத்து போலீஸார் அவரைக் கைது செய்து, நகைகள் மற்றும் இரு சக்கர வாகனத்தைப் பறிமுதல் செய்து விசாரணை மேற்கொண்டு வருகின்றனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai