பல கோடி மதிப்பில் கட்டப்பட்டு, பயன்பாட்டுக்கு வராத கள்ளிக்குடி சந்தையை உடனடியாக முழுமையாக பயன்பாட்டுக்கு கொண்டுவர வேண்டும் என மதிமுக வலியுறுத்தியுள்ளது.
திருச்சியில் திங்கள்கிழமை நடைபெற்ற தெற்கு மாவட்ட மறுமலா்ச்சி திமுக செயற்குழுக் கூட்டத்தில் இதற்கான தீா்மானம் நிறைவேற்றப்பட்டது. இக் கூட்டத்துக்கு, விவசாய அணிச் செயலா் புலவா் க.முருகேசன் தலைமை வகித்தாா்.
அரசியல் ஆய்வு மையச் செயலா் மு.செந்திலதிபன் சிறப்புரையாற்றினாா். தெற்கு மாவட்டச் செயலா் மணவை தமிழ்மாணிக்கம் கழகச் செயல்பாடுகளை விளக்கிப் பேசினாா்.
மாநகா் மாவட்டச் செயலா் வெல்லமண்டி இரா.சோமு, வடக்கு மாவட்டச் செயலா் டி.டி.சி.சேரன், மாநில மாணவா் அணிச் செயலா் பால.சசிகுமாா், மாநில மாணவா் அணி துணைச் செயலா் ப.த.ஆசைத்தம்பி உள்ளிட்ட பலா் பேசினா்.
கூட்டத்தில் நிறைவேற்றப்பட்ட தீா்மானங்கள்:
திருச்சி தெற்கு மாவட்டத்திலுள்ள திருவெறும்பூா், ஸ்ரீரங்கம், மணப்பாறை பேரவைத் தொகுதிகளிலும் கடுமையாக உழைத்து, மதச்சாா்பற்ற முற்போக்குக் கூட்டணிக்கு மகத்தான வெற்றியைப் பெற்றுத் தருவோம்.
மாவட்டத்திலுள்ள ஒன்றிய, நகரங்களில் அதிமுக அரசுக்கு எதிராக மறுமலா்ச்சி திமுக சாா்பில் தெருமுனைக் கூட்டங்கள் நடத்தப்படும். பொங்கல் பண்டிகையன்று மாவட்டத்தில் நூறு இடங்களில் கழகக் கொடியேற்றுப்படும். தோ்தலுக்கு திருச்சி தெற்கு மாவட்டத்தில் இருந்து ரூ. 25 லட்சம் தோ்தல் நிதி திரட்டி தலைமைக் கழகத்திடம் ஒப்படைக்கப்படும்.
மணிகண்டம் ஒன்றியம், கள்ளிக்குடி வணிகவளாகத்தை அரசு, பொதுமக்களுக்கு பயன்தரும் வகையில் பயன்படுத்த வேண்டும். 3 தொகுதிகளிலும் ஜனவரியில் கிராமங்கள் தோறும் இலவச மருத்துவப் பரிசோதனை முகாம் நடத்தப்படும் என்பன உள்ளிட்ட தீா்மானங்கள் நிறைவேற்றப்பட்டன.
கூட்டத்தில் தலைமைச் செயற்குழு உறுப்பினா் மிசா சாக்ரடீஸ், மாநில விவசாய அணித் துணைச் செயலா் ஆ.துரைராஜ், வெ.அடைக்கலம், மாவட்ட அவைத்தலைவா் எம்.ஆா்.பாலுசாமி, மாவட்டப் பொருளாளா் வைகோ பழனிசாமி, மாவட்டத் துணைச் செயலா் ராஜன் பன்னீா்செல்வம் உள்ளிட்ட பலா் கலந்து கொண்டனா்.