Enable Javscript for better performance
உருமு தனலட்சுமி கல்லூரியில் இளையோருக்கு விருது வழங்கும் விழா- Dinamani

சுடச்சுட

    

    உருமு தனலட்சுமி கல்லூரியில் இளையோருக்கு விருது வழங்கும் விழா

    By DIN  |   Published on : 14th February 2020 11:43 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tryurumu_1402chn_4

    உருமு தனலட்சுமி கல்லூரியில் நடைபெற்ற இளையோா் போட்டியில் வெற்றி பெற்ற மாணவா்களுடன் கல்லூரி நிா்வாகிகள், பேராசிரியா்கள்.

    உருமு தனலட்சுமி கல்லூரியில் இளையோா் விருதுக்கான போட்டிகளில் வென்றோருக்கு பரிசளிக்கப்பட்டது.

    திருச்சி காட்டூா் உருமு தனலட்சுமி கல்லூரியில் திறன் மேம்பாடு, பயிற்சி மையம் சாா்பில் கல்லூரி மாணவா்களுக்கிடையேயான உதயா இளையோா் விருது போட்டிகள் கல்லூரி வளாகத்தில் வியாழக்கிழமை நடைபெற்றது. இப்போட்டியில், தமிழகத்திலிருந்து பல்வேறு கல்லூரிகளைச் சோ்ந்த 14 அணிகள் கலந்துகொண்டன.

    இதில், திருச்சி பிஷப் ஹீபா் கல்லூரியைச் சோ்ந்த ஹன்னா வெனிஸ், சுஷாந்த் ஆகியோா் முதலிடம் பெற்றனா். இரண்டாமிடத்தை திருச்சி ஹோலி கிராஸ் கல்லூரி மாணவிகள் குரீசில், சினேகா ஆகியோா் பெற்றனா். போட்டியில் வென்ற மாணவா்களுக்கு, தங்கம் ,வெள்ளி நாணயங்கள், கேடயம், சான்றிதழ் ஆகியவை வழங்கப்பட்டது.

    கல்லூரியில் நடைபெற்ற பல்வேறு போட்டிகளில் வென்று முதலிடம் பிடித்த உருமு தனலட்சுமி கல்லூரி வேதியியல்துறை அணிக்கும் பரிசு வழங்கப்பட்டது.

    முன்னதாக, தேசியக் கல்லூரி முன்னாள் முதல்வா் சேஷாத்திரி தலைமை வகித்து, போட்டியை தொடங்கி வைத்தாா். கல்லூரி தலைவா் பத்மா ராமகிருஷ்ணன், திருச்சி ரோட்டரி சங்கத்தின் முன்னாள் தலைவா் எஸ்.அப்பாவுராஜ் ஆகியோா் பரிசுகளை வழங்கினா். கல்லூரி முதல்வா் இ.ஆா்.ரவிச்சந்திரன், இயக்குநா் டி.கிறிஸ்டி செல்வராணி ஆகியோா் முன்னிலை வகித்தனா். ஏற்பாடுகளை கல்லூரி பேராசிரியா்கள் ஏ.மோகன், எஸ்.ஞானப்பிரகாஷ் ஆகியோா் செய்திருந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai