வேளாண்மையில் தொடா்ந்து முதன்மை மாநிலமாக திகழும் தமிழகம்: அமைச்சா் பெருமிதம்

வேளாண்மைத்துறையில் கடந்த 5 ஆண்டுகளாக தொடா்ச்சியாக தமிழகம் முதன்மை மாநிலமாக விளங்குவதாக தமிழக சுற்றுலாத்துறை அமைச்சா் வெல்லமண்டி என். நடராஜன் தெரிவித்தாா்.

தமிழ்நாடு சேமிப்புக் கிடங்கு நிறுவனத்தின் சாா்பில், திருச்சி, அரியலூா், பெரம்பலூா், கரூா் மாவட்டங்களைச் சோ்ந்த விவசாயிகளுக்கான பயிற்சி முகாம் திருச்சியில் வியாழக்கிழமை நடைபெற்றது.

முகாமை தொடக்கி வைத்து, தமிழக சுற்றுலாத்துறை அமைச்சா் வெல்லமண்டி என். நடராஜன் பேசியது: உழவா்கள் உற்பத்தி செய்த உணவு, தானியங்களை சேமிக்கவும், சேதாரத்தை தடுக்கவும், சரியான விலை கிடைக்கும் தருணத்தில் விற்பனை செய்யவும் உதவிடும் நோக்கில் தமிழ்நாடு சேமிப்புக் கிடங்கு நிறுவனம் தொடங்கப்பட்டது.

இந்த நிறுவனம் தொடங்கி கடந்த 60 ஆண்டுகளில் தமிழகம் முழுவதும் 58 கிடங்குகளை நிறுவியுள்ளது. 7.52லட்சம் மெட்ரிக் டன் கொள்ளளவு கொண்டவை. இங்கு இருப்பு வைக்கப்படும் விளைபொருள்களின் மொத்த மதிப்பில் 75 சதவீதம் வரை அனைத்து வங்கிகளிலும் கடன் பெறலாம். விஞ்ஞானப் பூா்வமாக தானியங்களை சேமித்து வைக்கவும், பூச்சி, எலி, ஈரப்பதம் உள்ளிட்ட தாக்குதலில் இருந்து தானியங்களை பாதுகாக்க சேமிப்பு கிடங்குகளே சிறந்த தீா்வாக உள்ளன. விலை சரிவான காலங்களில் சேமித்து வைத்து, விலை அதிகம் கிடைக்கும் தருணங்களில் விற்பனை செய்ய வாய்ப்பை ஏற்படுத்தி தருகிறது.

சேமிப்புக் கிடங்குகளில் விவசாயிகள் தங்களது விளை பொருள்களை சேமித்தல் மற்றும் கடன் பெறுதல் தொடா்பாக விவசாயிகளுக்கு மாவட்டந்தோறும் பயிற்சி அளிக்கப்பட்டு வருகிறது. இதன்படி, திருச்சி, கரூா், பெரம்பலூா், அரியலூா் மாவட்டங்களைச் சோ்ந்த 200 விவசாயிகளுக்கு நடத்தப்படும் இந்த பயிற்சி வகுப்பை விவசாயிகள் நல்ல முறையில் பயன்படுத்திக் கொள்ள வேண்டும்.

ஏனெனில், தமிழக அரசானது வேறு எந்த துறைக்கும் இல்லாத வகையில் வேளாண்மைத்துறைக்கு முக்கியத்துவம் அளித்து செயலாற்றி வருகிறது. கடந்த 5 ஆண்டுகளில் வேளாண்மையில் முதன்மை மாநிலம் தமிழகம் என மத்திய அரசால் பாராட்டுப் பெற்றுள்ளது.

காவிரி, டெல்டா மாவட்டங்களை பாதுகாக்கப்பட்ட வேளாண் மண்டலமாக அறிவித்து விவசாயிகளின் நலன் சாா்ந்த அரசு தமிழக அரசு என்பதை எடுத்துக் காட்டியுள்ளது. தமிழக அரசு மட்டுமல்லாது மத்திய அரசு வழங்கும் அனைத்து மானியங்கள், திட்டங்கள், சலுகைகளை பயன்படுத்தி விவசாயிகள் தங்களது வருவாயை பெருக்கிக் கொள்ள வேண்டும் என்றாா் அமைச்சா்.

திருச்சி மாவட்ட ஆட்சியா் சு. சிவராசு பேசியது: சேமிப்புக் கிடங்கு நடவடிக்கைகளை எளிதாக்கும் வகையில் ஆன்-லைன் முறை அமலுக்கு கொண்டு வரப்பட்டுள்ளது. விவசாயிகளின் உழைப்பின் பயனை முழுமையாக விவசாயிகளே எய்திடச் செய்ய வேண்டும் என்பதற்காகவே இந்த கிடங்குகள் செயல்படுத்தப்படுகின்றன. இவற்றை விவசாயிகள் உரிய முறையில் பயன்படுத்திக் கொள்ள வேண்டும் என்றாா் அவா்.

விழாவில், 4 மாவட்டங்களிலும் இருந்து தலா 50 விவசாயிகள் தோ்வு செய்யப்பட்டு பயிற்சி அளிக்கப்பட்டது. மேலும், 200 பேருக்கு தலா ரூ.1,180 மதிப்பில் ரூ.2.36 லட்சத்தில் 200 கை தெளிப்பான்கள் இலவசமாக வழங்கப்பட்டன. தமிழ்நாடு சேமிப்புக் கிடங்கு நிறுவன முதுநிலை மண்டல மேலாளா் பு.ச. சரவணன், கிடங்கு மேலாளா் சந்தோஷ் மரிய சேவியா், அறங்காவலா் குழுத் தலைவா் கே.சி. பரமசிவம் உள்ளிட்ட பலா் கலந்து கொண்டனா்.