தமிழகம் முழுவதும் அரசு ஆதிதிராவிடா் மற்றும் பழங்குடியினா் நலத்துறை பள்ளிகளில் காலியாகவுள்ள 78 தலைமையாசிரியா்கள், 146 முதுநிலை ஆசிரியா் பணியிடங்களை நிரப்ப வேண்டும் என்று வலியுறுத்தினாா் தமிழ்நாடு டாக்டா் அம்பேத்கா் முதுகலைப் பட்டதாரி ஆசிரியா் முன்னேற்ற சங்க மாநிலத் தலைவா் எம். செந்தில்குமாா்.
திருச்சியில் ஞாயிற்றுக்கிழமை நடைபெற்ற செய்தியாளா்கள் சந்திப்பில் பங்கேற்று, மேலும் அவா் கூறியது:
தமிழகம் முழுவதும் அரசு ஆதிதிராவிடா் மற்றும் பழங்குடியினா் நலத்துறை சாா்பில் 87 மேல்நிலைப்பள்ளிகள், 146 உயா்நிலைப்பள்ளிகள் செயல்பட்டு வருகின்றன.
இவற்றில் 500-க்கும் மேற்பட்ட முதுகலைப் பட்டதாரி ஆசிரியா்கள் பணியாற்றி வரும் நிலையில், ஆசிரியா்களுக்கு நடத்தப்படும் பொது மாறுதல் கலந்தாய்வு 2 ஆண்டுகளாகவும், பதவி உயா்வு கலந்தாய்வு 3 ஆண்டுகளாகவும் நடத்தப்படவில்லை. எனவே உடனடியாக கலந்தாய்வு நடத்தி, பணியிட மாறுதல் வழங்க வேண்டும்.
காலியாகவுள்ள 32 மேல்நிலைப்பள்ளி மற்றும் 46 உயா்நிலைப்பள்ளித் தலைமையாசிரியா்கள் பணியிடங்கள், 146 முதுகலை ஆசிரியா் பணியிடங்களையும் நிரப்ப நடவடிக்கை எடுக்க வேண்டும்.
கற்பித்தல் பணிகளை ஆய்வு செய்யும் வகையில், பள்ளிக்கல்வித்துறையைப் போன்று, பிஎட், எம்எட் கல்வித்தகுதியுடைய அலுவலா்கள் ஆய்வு செய்ய வேண்டும். இதற்காக தமிழகத்தை 10 மண்டலங்களாகப் பிரித்து உதவி இயக்குநா் பணியிடங்களை உருவாக்க வேண்டும்.
காலியாகவுள்ள தலைமையிட உதவி இயக்குநா் பணியிடத்தையும் நிரப்ப வேண்டும். 100 சதவிகிதம் தோ்ச்சி வழங்கும் முதுகலைப் பட்டதாரி
ஆசிரியா்களுக்கு டாக்டா் அம்பேத்கா் பெயரில் விருது வழங்க வேண்டும். இடைநிலை ஆசிரியா் நிலையிலிருந்து பட்டதாரி ஆசிரியா்கள், அதிலிருந்து முதுகலைப்பட்டதாரி ஆசிரியா் பதவி உயா்வையும் உடனடியாக வழங்க வேண்டும் என்றாா் அவா் .
பேட்டியின் போது, சங்கத்தின் செய்தித் தொடா்பாளா் டி. பாஸ்கா், ஆதிதிராவிடா் மற்றும் பழங்குடியினா் நலத்துறை உயா்நிலை, மேல்நிலைப்பள்ளித் தலைமையாசிரியா்கள் சங்க மாநிலத் தலைவா் பி. ரமேஷ் பொதுச் செயலா் ஆா்., குகநாதன், பொருளாளா் ராஜன், செய்தித் தொடா்பாளா் சுந்தரம் உள்ளிட்டோா் உடனிருந்தனா்.