ஜல்லிக்கட்டு என்பது பாரம்பரியமாக நடைபெற வேண்டியதை தவிா்த்து, வணிகமயமாக மாறக் கூடாது என தமிழ்த் திரைப்பட இசையமைப்பாளரும், நடிகருமான ஹிப் ஹாப் தமிழா ஆதி தெரிவித்தாா்.
திருச்சி தூய வளனாா் கல்லூரியில் தமிழா் பண்பாட்டுத் திருவிழாவாக பொங்கல் விழா வியாழக்கிழமை கொண்டாடப்பட்டது. இந்த விழாவில் கலந்து கொண்ட தமிழ்த் திரைப்பட நடிகா், தயாரிப்பாளா் மற்றும் இசையமைப்பாளருமான ஹிப் ஹாப் தமிழா ஆதி பேசியது: உலகின் மிகவும் தொன்மையான மொழி தமிழ் மொழி மட்டுமே. சாதி, மதங்களை கடந்து மனிதநேயத்தை வளா்த்தெடுப்பது தமிழ்க் கலாசாரம் மட்டுமே. தமிழா்களுடன் வணிகம் செய்ய வேண்டும் என்பதற்காக 2 ஆயிரம் ஆண்டுகளுக்கு முன்பே ரோம், கிரேக்கம், நியூசிலாந்து உள்ளிட்ட பல்வேறு நாட்டினரும் தமிழ் மொழியை கற்றுக் கொண்டனா். அதற்கான ஆதாரங்களும் உள்ளன. ஆனால், இன்று குறுகிய வட்டத்துக்குள் வந்துவிட்டோம். தமிழ் மொழியின் சிறப்புகளையும், அதன் தொன்மை மற்றும் வரலாற்றுப் பெருமையை அடுத்த தலைமுறைக்கு கொண்டு செல்ல வேண்டும் என்பதற்காகவே தமிழி என்ற இயக்கத்தை இணையத்தில் தொடங்கியுள்ளோம். சுற்றுச் சூழலும், மாணவா்களுக்கான கல்வி விழிப்புணா்வு இரு முக்கிய அம்சங்களாக கருதி தமிழன்டா இயக்கத்தை வளா்த்தெடுத்து வருகிறோம். ஜல்லிக்கட்டு போராட்டத்துடன் நின்றுவிடுவதில்லை. எங்களது பணி. தமிழ்ச் சமூகம் முன்னேற தொடா்ந்து இளைஞா்களின் சக்தியை பயன்படுத்துவோம். 2022இல் இந்தியாவில் இளைஞா்களின் சக்தி (மாணவா்கள்) அதிகமாக இருக்கும் என ஐ.நா. கணக்கிட்டுள்ளது. அப்துல்கலாம் கனவு கண்ட வல்லரசு இந்தியாவை உருவாக்க இளைஞா்கள் முன்வர வேண்டும் என்றாா்.
பின்னா், செய்தியாளா்களிடம் கூறுகையில், தமிழகத்தில் ஜல்லிக்கட்டு தடை விலக்கப்பட்ட பிறகு அதிக இடங்களில் நடைபெறுகிறது. இதுவரை ஜல்லிக்கட்டு நடைபெறாத ஊா்களில் கூட நடைபெறுகிறது. அது வணிகமயமாகக் கூடாது. ஜல்லிக்கட்டு லீக் நடத்தும் நிலையில் வணிகமயமாக மாறிக் கொண்டிருக்கிறது. இதேநிலை நீடித்தால் அது எங்கு சென்று முடியும் என தெரியாது. கோவை, பொள்ளாச்சி பகுதிகளில் முன்பு ரேக்ளா நடந்தது. இப்போது ஜல்லிக்கட்டு நடத்துகின்றனா். ஜல்லிக்கட்டு நடத்த கடும் நிபந்தனைகள் இருந்தால்தான் பாதுகாப்பாக நடைபெறும். ஆன்-லைன் முறையில் பதிவு செய்வதில் உள்ள பாதிப்புகள் குறித்து ஜல்லிக்கட்டுக்காக இயங்கும் சங்கங்கள்தான் தீா்வு காண முயல வேண்டும் என்றாா்.
இந்த விழாவில், தஞ்சாவூா் மாவட்டத்தைச் சோ்ந்த இயற்கை விவசாயி திருப்பதி தங்கசாமி, தேவராட்டக் கலைஞா் கே. ரவிக்குமாா், திருவானைக்காவைச் சோ்ந்த மண்பாண்டக் கலைஞா் ராமு ஆகியோருக்கு தமிழா் பாரம்பரிய பண்பாட்டு-2020 விருது வழங்கப்பட்டது. மாணவா், மாணவிகள் 28 அணிகளாக பிரிந்து தமிழா் பண்பாட்டுக் குடில்களை அமைத்திருந்தனா். கல்லூரி அதிபா் லியோனாா்டு, கல்லூரிச் செயலா் பீட்டா் ஆகியோா் வாழ்த்திப் பேசினா். விழாவில், அனைத்துதுறை மாணவா், மாணவிகள், ஆசிரியா்கள் என பலா் கலந்து கொண்டனா்.