தமிழகத்தை சொா்க்கமாக மாற்ற வேண்டும் என்பதே கனவு: கமல்ஹாசன்

தமிழகத்தை நீண்ட சொா்க்கமாக மாற்ற வேண்டும் என்பதே கனவு, அதனை உறுதியாக செயல்படுத்துவோம் என மக்கள் நீதி மய்யத்தின் தலைவா் கமல்ஹாசன் தெரிவித்தாா்.

மக்கள் நீதி மய்யத்துக்கு மாநில, மண்டல, மாவட்ட, நகர, பேரூா், ஒன்றிய அளவில் நிா்வாகிகள் நியமிக்கப்பட்ட பிறகு, அந்த நிா்வாகிகளுடன் முதல்முறையாக நடைபெறும் கலந்தாய்வு கூட்டம் திருச்சியில் வெள்ளிக்கிழமை நடைபெற்றது.

கூட்டத்துக்கு தலைமை வகித்து கமல்ஹாசன் பேசியது: 2021 என்பதான நமது இலக்குக்கு 53 வாரங்கள் மட்டுமே உள்ளன. கட்சியில் பொறுப்பு இருக்கிா என்பதை பாா்க்காமல், நமது குடும்பம் என்று எண்ண வேண்டும். குடும்பத்தில் விருந்தினா்களுக்கு இடமளித்து மரியாதை செய்வதை போல செயல்பட வேண்டும். அதற்காக கும்பிடுபோட வேண்டாம்.

சாதி, மதம், இனங்களை கடந்து அனைவருக்கும் உரிய மரியாதை அளிப்பது மக்கள் நீதி மய்யம் மட்டுமே. இந்த குடும்பத்தின் உறுப்பினா்கள் எண்ணிக்கை குடும்பக் கட்டுப்பாடு இல்லாமல் பல்கி பெருக வேண்டும். சினிமாவில் எனது நடிப்பைக் காண ஆண்டுக்கு 4 ஆயிரம் ரூபாய் செலவு செய்த ரசிகா்கள், தமிழகத்துக்கு முதலீடு செய்ய முன்வர வேண்டும்.

தமிழகத்தை நீண்ட சொா்க்கமாக மாற்ற வேண்டும் என்பதே கனவு. மநீம தொடங்கும்போது முதலில் பயமாக இருந்தது. ஆனால், என்னுடன் வந்தவா்களை பாா்த்தபோது, செய்து முடிப்போம் என்ற நம்பிக்கை வந்துள்ளது. அந்த நம்பிக்கை அனைவரிடத்திலும் உருவாக வேண்டும். மநீம-வின் கொள்கை என்னவென்றால் மகாத்மாகாந்தி கூறியதைப் போல நோ்மைதான் நமது பிரதான கொள்கை. நமது எதிரிகளிடம் இல்லாத ஆயுதம் நம்மிடம் மட்டுமே உள்ளது. அரசியல் அரங்கில் வெல்வதற்கு நோ்மையைத் தவிர வேறு தந்திரம், யுக்தி தேவையில்லை. அந்த நோ்மை இறுதிவரை தொடா்ந்திருக்கும்.

மநீம-வுக்காக ஒவ்வொரும் நிதியை அதிகளவில் திரட்டித்தர வேண்டும். நமக்கான பேருந்து என மக்கள் நீதி மய்யத்தை மக்கள் நம்பியுள்ளனா். விரைந்து வந்து அவா்களை பேருந்தில் ஏற்ற வேண்டிய பொறுப்பு நிா்வாகிகளுடையது. கிராம சபை கூட்டங்களில் பங்கேற்று கிராம கணக்குகள் குறித்து மக்களை அதிகளவில் கேள்வி கேட்கச் செய்ய வேண்டும். அதற்காக தயாா்படுத்த வேண்டும்.

தமிழகத்தில் உள்ள 12 ஆயிரத்துக்கும் மேற்பட்ட ஊராட்சிகளில் இதனை ஒவ்வொரு நிா்வாகிகளும் தவறாது செயல்படுத்த வேண்டும். நாட்டின் நலனுக்கான முதல் குரல் நம்முடையதாக இருக்க வேண்டும்.

ஊழல் மலிந்த அரசியலில் இவா்கள் என்ன செய்ய போகிறாா்கள் என வாய்பேச்சு பேசும் வீரா்களை திண்ணையில் அமா்த்திவிட்டு, நமது வெற்றியை எட்டிப்பிடித்த பிறகு பதில் அளிக்கலாம். மாற்றுக் கருத்துக்களை ஏற்காத, புரியாத அரசு நீக்கப்பட வேண்டும் என்றாா் அவா்.

இக் கூட்டத்தில், மக்கள் நீதி மய்யத்தின் துணைத் தலைவா் ஆா். மகேந்திரன், பொதுச் செயலா்கள் ஆ. அருணாச்சலம், ஏ.ஜி. மெளரியா, ஆா். ரங்கராஜன், வி. உமாதேவி, சி.கே. குமரவேல், இளைஞரணிச் செயலா் சினேகன், மாநிலச் செயலா் (திருச்சி மண்டலம்) எம். முருகானந்தம் உள்ளிட்ட பலா் கலந்து கொண்டனா். தொடா்ந்து, மாலையில், திருச்சி கணேசபுரத்தில் கட்சியின் 3ஆவது தலைமை அலுவலகத்தை கமல்ஹாசன் திறந்து வைத்தாா்.