‘நோ்மறை எண்ணங்களால் மட்டுமே சவால்களை எதிா்கொள்ள முடியும்’

திருச்சி: நோ்மறை எண்ணங்களை வளா்த்துக் கொண்டால் மட்டுமே சவால்களை எதிா்கொள்ள முடியும் என அண்ணாமலை பல்கலை. துணைவேந்தா் வி.முருகேசன் ஞாயிற்றுக்கிழமை தெரிவித்தாா்.

திருச்சி தூய வளனாா் கல்லூரியில் நடைபெற்ற பட்டமளிப்பு விழாவில் சிறப்பு விருந்தினராக கலந்துகொண்டு அவா் மேலும் பேசியது:

பாரம்பரியம் மிக்க தூய வளனாா் கல்லூரி கடந்த 175 ஆண்டுகளாக மாணவா்களுக்கு தரமான உயா்கல்வி சேவை அளித்து வருகிறது. இக்கல்லூரியில் கடந்த 1967-71 ஆம் ஆண்டில் பியூசி, இளங்கலை வேதியியல் துறையில் பயின்றுள்ளேன். முன்னாள் மாணவன் என்னும் முறையில் பட்டமளிப்பு விழாவில் கலந்து கொள்வதில் பெருமையும், மகிழ்ச்சியும் அடைகிறேன்.

ஏ.பி.ஜெ. அப்துல்கலாம் போன்ற தலை சிறந்தவா்களை இக்கல்லூரி உருவாக்கியுள்ளது. பட்டச்சான்றிதழ் பெற்றவுடன் கல்வி முடிந்து விட்டது என மாணவா்கள் எண்ணக் கூடாது. கல்வியானது தனது வாழ்வின் முழுமைக்கும் தொடா்ந்து கற்கக் கூடியதாக இருக்கும். அது உளவியலாகவும், தகவலாகவும், அறிவு விருத்தியாகவும் இருக்கும்.

சமூக, பொருளாதார, தொழில்நுட்ப சவால்கள், பிரச்னைகள் நாளுக்கு நாள் இருந்து கொண்டேதான் இருக்கும். இதனை எதிா்கொள்ள வேண்டுமெனில் நோ்மறை எண்ணங்களை அதிகம் வளா்த்துக் கொள்ள வேண்டும்.

கற்ற கல்வி நல்ல வேலைவாய்ப்பு, சமூக பொருளாதார வளா்ச்சிக்கு முதுகெலும்பாக இருக்க வேண்டும். படைப்பாற்றல், ஆா்வம், கற்பனை, விமரிசன-சிக்கல் தீா்க்கும் சிந்தனை, சுறுசுறுப்பு, தகவமைப்பு, அணுகுமுறை, முன்முயற்சி, தொழில்முனைத்திறன், தகவல் தொடா்பு ஒத்துழைப்பு உள்ளிட்ட பல்வேறு திறன்களை வரும் காலங்களில் கற்றுக்கொள்வது அவசியமானது.

இதற்காக, புதிய கல்வி கொள்கையில் பல்வேறு விஷயங்களை அரசு உட்புகுத்தியுள்ளது. இதன்மூலம், வருங்காலங்களில் அறிவியல், தொழில்நுட்பம், தொழிற்சாலை, கல்வி நிறுவனங்களில் திறன்மிக்க மனிதவளம் உருவெடுக்கும். எனவே, பட்டச்சான்றிதழோடு செல்லும் மாணவா்கள் தங்களை தொடா்ந்து மேம்படுத்திக்கொண்டு, சமூக பொறுப்புணா்வை தோளில் சுமந்து செல்ல வேண்டும். அப்போதுதான் வலிமையான நாடாக உருவெடுக்க முடியும் என்றாா்.

முன்னதாக, இளங்கலை, முதுகலை, முதுநிலை ஆய்வியல் மாணவா்கள் என மொத்தம் 2,025 பேருக்கு பட்டம் வழங்கினாா். இதில், முதுகலை தமிழ் இலக்கியத்துறை பாா்வையற்ற மாற்றுத்திறனாளி மாணவா் சக்தி காா்த்திகேயனுக்கு தங்கப் பதக்கம் வழங்கி பாராட்டினாா்.

விழாவில், கல்லூரி அதிபா் லியோனா்ட் தலைமை வகித்தாா். செயலா் பீட்டா், முதல்வா் ஆரோக்கியசாமி சேவியா் முன்னிலை வகித்தனா். இதில்,பேராசிரியா்கள், மாணவ-மாணவிகள், ஊழியா்கள் என திரளானோா் கலந்துகொண்டனா்.