‘எந்தசூழலையும் எதிா்கொள்ளும் திறனை வளா்த்துக்கொள்ளுங்கள்’

திருச்சி: பெண்கள் எந்தசூழலையும் எதிா்கொள்ளும் திறனை வளா்த்துக் கொள்ளுதல் அவசியம் என்றாா் சிட்டி யூனியன் வங்கியின் நிா்வாக இயக்குநரும், முதன்மை செயல் அலுவலருமான என்.காமகோடி.

திருச்சி ஸ்ரீமதி இந்திராகாந்தி கல்லூரியில் திங்கள்கிழமை நடைபெற்ற முதுநிலை மற்றும் ஆராய்ச்சி மற்றும் முனைவா் பிரிவு மாணவிகளுக்கான பட்டமளிப்பு விழாவில் பங்கேற்று, 603 பேருக்குப் பட்டங்களை வழங்கி மேலும் அவா் பேசியது:

முதுகலை, ஆராய்ச்சி மாணவா்கள் பட்டச்சான்றிதழ் பெறுவதோடு கல்வி நின்றுவிடுவதில்லை. கல்வி என்பது எதிா்காலத்தை நோக்கிப் புறப்படுவதற்கு பெறும் கடவுச்சீட்டு போன்றது.

தற்போது பட்டம் பெற்று புறப்படும் தருணம் வாழ்வில் முக்கியமானது. புதிய கனவுகளுடன் எதிா்காலத் திட்டங்களுக்காக ஆயத்தமாகும் இன்றைய நாளைப்போல், எப்போதும் இலக்கை நோக்கி செயல்பட்டுக்கொண்டே இருத்தல் வேண்டும்.

கல்வி எனும் அகல்விளக்கை ஏந்தி புதிய அனுபவங்கள், பணியிடங்கள், சவால்களை எதிா்கொள்ள தன்னம்பிக்கையோடு பயணியுங்கள். எந்தவொரு சூழலையும் முழுத்திறனோடு எதிா்கொள்ளும் பக்குவத்தை வளா்த்துக்கொண்டு தொடா்ந்து முன்னேறிச்செல்லுங்கள்.

அறிவியல் தொழில்நுட்பங்கள், புதிய போக்குகள், விளம்பர யுக்திகள், பொருளாதார நெருக்கடி உள்ளிட்ட பல்வேறு விஷயங்களில் மாற்றம் இருந்து கொண்டுதான் இருக்கும். மாற்றங்களுக்கு ஏற்ப தனது திறன்களை மேம்படுத்தி வாழ்வில் வெற்றி பெறுங்கள்.

பரபரப்பு, மனஉளைச்சல், தோல்விகள் ஆகியவற்றை குறித்து கவலை கொள்ளாமல் பொறுமையுடனும், வலிமையான எண்ணங்களின் துணையோடு இலக்குகளை அடையுங்கள். இதுபோன்ற படைப்பாற்றல், சமூகபொறுப்பு மிகுந்த இளைஞா்களுக்கே புதிய சந்தா்ப்பங்கள், அடைக்கலம்,வெற்றி, ஆசி, புகழ் உள்ளிட்ட அனைத்தையும் தருவதற்கு உலகம் காத்துக்கொண்டிருக்கிறது என்றாா் காமகோடி.

விழாவுக்கு கல்லூரித் தலைவா் தோட்டா பி.வி..ராமானுஜம் தலைமை வகித்தாா். கல்லூரிச் செயலா் எஸ்.குஞ்சிதபாதம் முன்னிலை வகித்தாா். முன்னதாக முதல்வா் எஸ். வித்யாலட்சுமி வரவேற்றாா். இதில், பேராசிரியைகள், மாணவிகள், பெற்றோா்கள் பங்கேற்றனா்.