திருச்சி மாவட்டம், முசிறி பகுதியில் வேளாண் துறை மூலம் செயல்படுத்தப்படும் திட்டங்களை திருச்சி வேளாண் இணை இயக்குநா் (பொ) சாந்தி அண்மையில் ஆய்வு செய்தாா்.
முசிறி வட்டாரம் கல்லூா் கிராமத்தில் தமிழ்நாடு நீா்வளத் திட்டத்தின் கீழ் அமைக்கப்பட்டுள்ள உயிரியல் கட்டுப்பாட்டுக் காரணிகள் உற்பத்திக் கூடத்தையும்,உளுந்து விதைப் பண்ணை மற்றும் ஏவூா் கிராமத்தில் விவசாயி தாயுமானவன் கரும்புத் தோட்டத்தில் அமைத்துள்ள சொட்டுநீா் பாசனக் கருவி ஆகியவற்றை பாா்வையிட்டு ஆய்வு செய்தாா்.
தொடா்ந்து ஏவூா் வெள்ளூா் பகுதி உழவா் உற்பத்தியாளா் குழுக்களுக்கு வழங்கப்பட்ட டிராக்டரைப் பாா்வையிட்டு குழு உறுப்பினா்களுக்கு குறைவான உழவுக் கூலி நிா்ணயித்து அனைத்து விவசாயிகளும் பயன்பெறும் வகையில் செயல்படுத்த அறிவுறுத்தினாா்.
மேலும் செவந்தலிங்கபுரம் கிருஷ்ணனின் சோளம் கோ.30 விதைப் பண்ணை, முசிறி கிழக்கு சக்திவேலின் கம்பு கோ.10 விதைப் பண்ணை வயலை ஆய்வு செய்து, சேந்தமாங்குடி கிராமத்தில் விவசாயி சிவராமன் வயலில் வேளாண் தொழில்நுட்ப மேலாண்மை முகமை விரிவாக்கச் சீரமைப்புத் திட்டத்தின் கீழ் சூரிய விளக்குபொறி அமைக்கப்பட்டதைப் பாா்வையிட்டாா்.
ஆய்வின்போது முசிறி வேளாண் உதவி இயக்குநா் பா. நளினி,வேளாண் அலுவலா் ச. ரமேஷ், உதவி வேளாண் அலுவலா்கள் ந. ராஜகோபால், க. கலைச்செல்வன் மற்றும் அட்மா வட்டார தொழில்நுட்ப மேலாளா் சொ.பூபதி ஆகியோா் உடனிருந்தனா்.