திருச்சி: கரோனா காலத்தில் சிறப்பாகப் பணியாற்றியமைக்காக, திருச்சி சரகக் காவல்துறைத் தலைவா், இளம் மருத்துவருக்கு சா்வதேச அமைப்பு சாா்பில் ’ஸ்டாா்ஸ் ஆப் கோவிட்’ விருது வழங்கப்பட்டுள்ளது.
லண்டனைத் தலைமையிடமாகக் கொண்டு செயல்பட்டு வரும் வோ்ல்டு ஹூமானிட்டேரியன் டிரைவ் என்ற சா்வதேச அமைப்பின் சாா்பில், கரோனா காலத்தில் உலகம் முழுவதுமிலிருந்து சிறப்பாக பணியாற்றிய 100 போ் கெளரவிக்கப்பட உள்ளதாக அறிவிக்கப்பட்டது.
இதற்கு இந்தியா உள்ளிட்ட பல்வேறு நாடுகளில் இருந்து ஏராளமானோா் விண்ணப்பித்தனா். அவா்களில் 100 போ் தோ்ந்தெடுக்கப்பட்டனா்.
அதில் பொது முடக்கக் காலத்தில் பொதுமக்களை அலையவிடாமல், இணையம் மூலம் குறைகளைக் கேட்டு நடவடிக்கை மேற்கொண்ட திருச்சி சரகக் காவல்துறைத் தலைவா் வே.பாலகிருஷ்ணன், வாய் பேச முடியாத மற்றும் காது கேளாதவா்கள் பயன்படுத்தும் வகையில், பிரத்யேக முகக்கவசம் தயாரித்த திருச்சியைச் சோ்ந்த இளம் மருத்துவா் அ.முகமது ஹக்கீம் உள்ளிட்ட சிலரும் அடங்குவா்.
லண்டனிலுள்ள இந்த அமைப்பின் தலைமையகத்தில் ஞாயிற்றுக்கிழமை காணொலிக் காட்சி மூலம் நடைபெற்ற நிகழ்வில், நேபாள முன்னாள் பிரதமா் மாதவ்குமாா், கொசோவா நாட்டின் முன்னாள் அதிபா் பத்மிா் சேஜ்டியூ, வோ்ல்டு ஹூமானிட்டேரியன் டிரைவ் அமைப்பின் நிறுவனா் அப்துல் பாசித் சையத் ஆகியோா் சிறப்பு விருந்தினா்களாகப் பங்கேற்று, ’ஸ்டாா்ஸ் ஆப் கோவிட்’ விருது பெற்ற வே.பாலகிருஷ்ணன், ஹக்கீம் உள்ளிட்ட 100 பேரையும் பாராட்டினா்.
விருது பெற்ற ராமநாதபுரம் எம்.பி.க்கு பாராட்டு : இந்த அமைப்பின் சாா்பில் சிறந்த தூதா் விருது பெற்ற ராமநாதபுரம் மக்களவை உறுப்பினா் கே. நவாஸ்கனிக்கு இந்திய யூனியன் முஸ்லிம் லீக் கட்சியின் தேசியத் தலைவா் கே.எம். காதா் மொகிதீன் பாராட்டுத் தெரிவித்துள்ளாா்.
அவருக்கு கிடைத்துள்ள இந்த கௌரவம் இந்திய யூனியன் முஸ்லிம் லீக் கட்சிக்கு மட்டுமல்லாமல்,
ஒட்டுமொத்த இந்தியாவுக்கே பெருமை சோ்க்கும் விதமாக உள்ளது என காதா் மொகிதீன் தெரிவித்துள்ளாா்.