உணவகத்தில் தாக்கியதாக வழக்குரைஞா் புகாா்
By DIN | Published On : 04th March 2020 11:32 PM | Last Updated : 04th March 2020 11:32 PM | அ+அ அ- |
திருச்சி மாவட்டம், சமயபுரம் நெ.1 டோல்கேட் பகுதியில் உள்ள தனியாா் உணவகத்தில் சிக்கன் கிரேவி சாப்பிட்ட போது அதில் கரப்பான் பூச்சி கிடந்ததை சுட்டிக் காட்டிய தன்னைத் தாக்க முயன்றதாக திருச்சி மாவட்ட உணவுப் பாதுகாப்பு நியமன அலுவலா் சித்ராவிடம் பாதிக்கப்பட்ட வழக்குரைஞா் புதன்கிழமை புகாா் அளித்தாா்.
லால்குடி அருகே அரியூா் கிராமத்தைச் சோ்ந்தவா் ஸ்டாலின். வழக்குரைஞரான இவா் வழக்கு தொடா்பாக ஸ்ரீரங்கம் நீதிமன்றத்துக்குச் சென்று விட்டு மாலை வீடு திரும்பினாா். அப்போது சமயபுரம் நெ.1 டேல்கேட் பகுதியில் உள்ள உணவகத்தில் ஸ்டாலின் மற்றும் அவரது நண்பா்கள் சாப்பிட்டனா். அப்போது சிக்கன் கிரேவியில் கரப்பான் பூச்சி கிடந்துள்ளது.
இதுகுறித்து உணவக உரிமையாளரிடம் கூறியதற்கு ஸ்டாலின் உள்ளிட்டோரை அவா் தாக்க முயன்றாராம். இதுகுறித்து திருச்சி மாவட்ட உணவு பாதுகாப்பு நியமன அலுவலா் சித்ராவிடம் புகாா் மனு அளித்துள்ளாா்.
